Robert su Solo Banda Show ta nomber ‘nobo’ di e orkesta awor

ORANJESTAD – Diaranson anochi durante e anuncio di banda local cu ta bay acompaña Juan Luis Guerra y su 440, durante e concierto dia 13 di December proximo, a anuncia cu Robert y su Solo Banda Show lo ta un di e bandanan cu lo toca como grupo local. Aki Jeffrey Kelly representando e banda, a anuncia cu a dicidi cu famia di Robert Jean’Dor, cu entrante awe, e nomber nobo lo ta Robert Su Banda Show, unda cu ta laga e ‘Y’, cay. Algo logico despues di fayecimento di su fundador Robert. Mescos a sosode tempo cu Betico Croes a fayece y a cambia e nomber pa Grupo di Betico, envez di Betico y Su Grupo. De echo, Grupo di Betico tambe lo ta un di e bandanan otro, hunto cu Buleria, cu tambe lo ta un di e tres bandanan local riba e anochi aki.