AWSS: Studiantenan arubiano bibando den exterior por scapa di paga Sustainability Fee (ED Card)

ORANJESTAD – Studiantenan Arubiano cu ta biba den exterior pa nan estudio por aplica pa evita cu nan tin cu paga e 20 dollar di Sustainability Fee cu ta cobra pa e planta na Bubali Plas. Asina e compania AWSS a informa diamars. E studiantenan aki por aplica pa e asina yama ‘vrijstelling di Sustainability Fee’.

CON POR HACI ESAKI

E studiante cu ta cualifica ta esnan cu tawata registra como residente di Aruba no mas cu 8 aña pasa, y cu ta actualmente inscribi na un institucion educativo reconoci den exterior.

Pa por aplica, studiante mester manda un e-mail na info@awss.aw pa ser inclui den e database oficial di vrijstelling. Ora registracion ta completa, nan number di paspoort lo wordo reconoci pa haya vrijstelling y e 20 dollar automaticamente lo wordo salta durante e procesamento di ED Card.

Solamente studiante inscribi na universiteit, hogeschool, beroepsopleiding (HBO) of postdoctorale/gespecialiseerde programma ta cualifica.

Documentonan necesario ta:

Copia paspoort di studiante

‘Verklaring van Uitschrijving’ uitreksel di Censo - si no tin esaki, por machtig un hende na Aruba pa busca un ‘Verklaring van Inschrijving’ (esaki ta un uitreksel di censo cu ta prueba cu tawata un residente di Aruba)

Almenos 2 di lo siguiente:

Prueba di inscripcion di schooljaar

Student-ID cu aña schooljaar visibel

Factura of recibo di pago di schoolgeld

Afschrift di cursunan completa of studiepunten

Declaracion firma di institucion educativo confirmando inscripcion activo

VALIDEZ

Registracion ta dura 5-10 dia di trabou, ora ta aproba, e vrijstelling lo ta valido pa 4 aña. Si e studiante haya un paspoort nobo, lo mester aplica di nobo. Despues di 4 aña, lo mester aplica di nobo pa mantene e vrijstelling.

PLACA BEK?

Desde 31 januari 2026, studiante cu no a registra pa vrijstelling prome cu nan drenta Aruba, no ta haya placa bek. Pa mas informacion, tuma contacto cu AWSS: Webchat/Webcall: www.awss.aw Email: info@awss.aw