Wilders nombra como vicepresidente di Tweede Kamer

DEN HAAG - Awor cu Thom van Campen (VVD) a wordo scogi como presidente nobo di Kamer, e fraccionan grandi por a propone nan vice presidenten. Nan ta reemplaza e presidente ora e no por wordo presente of tin otro obligacion. Wieke Paulusma (D66) a wordo nombra como prome vicepresidente, y Geert Wilders (PVV) como segundo subpresidente.

Esaki ta remarkable, pasobra generalmente partido ta propone un miembro di Kamer menos prominente pa e funcion aki, y sigur no e lider di fraccion. Pasobra Wilders ta e di dos den fila pa reemplaza e presidente real, lo pasa regularmente cu e ta dirigi debate den sala plenario. Den pasado e a haci esaki tambe un biaha.

Despues di e eleccion diaranson ultimo, e fraccionario di Wilders, Martin Bosma, a mester laga e posicion como presidente di Kamer. Bosma ya tabata bisa cu e no lo bira vicepresidente, pa no stroba su sucesor Van Campen.

Aparte di Paulusma y Wilders, tambe Marjolein Moorman (GL-PvdA), Harmen Krul (CDA), Joost Eerdmans (JA21) y Ingrid Michon-Derkzen (VVD) a wordo nombra como vicepresidente.