- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Dick Advocaat despues di cualificacion pa WK: 'E cos mas loco cu mi a logra como trainer'
AMSTERDAM – E bondscoach pa seleccion di futbol di Corsou, Dick Advocaat no tabata presente na Kingston pa mira con Corsou a cualifica pa e Copa Mundial. El a mester bolbe Hulanda cu algun situacion priva, pero el tabata na cas, dilanti di television. E tabata den contacto tambe cu e staff na Jamaica. "Mi prestacion mas bunita? Bueno, ta e cos mas loco cu mi a logra como trainer. Esaki ta hopi bunita pa e isla y pa e hungadornan cu a yega for leu", asina ta bisa Advocaat na AD. E experiencia na cas tabata, manera semper cu ta spera for Advocaat, grandi. El a haya hopi stres riba e sofa. "Mi tabata cansa despues di e partido, mas cu ora mi ta para banda di cancha. Ora bo ta riba cancha bo por pone cos manera bo ke, bo ta perde energia. Esaki tabata un partido importantisimo. Mira Jamaica: Steve McClaren (entrenador di Jamaica:red) a sali un par ora despues di e empate como bondcoach. Mientras nan a dal dos bez pa e palo di goal y un bez pa lat. Y despues tabatin e penal", Advocaat a bisa. "Contento cu VAR a tuma accion. Pa esaki e ta existi, pero bo no sa nunca, he."
"DICK ADVOCAAT – PRO SHOTS"
"Un moment asina por haci bo perde tur. Esaki ta mustra cu den futbol tur cos ta cerca un di otro." "Corsou ta den fiesta total, nos prestacion ta bayendo rond mundo y FIFA lo manda mas cu dies miyon (dollar) pa Federacion pasobra nos a cualifica. Jamaica ta desilusiona y nan no tin bondcoach mas. Asina e ta traha."
Buma: Cinco partido mester logra haya otro pa forma gobierno nobo hulandes
DEN HAAG - E cinco lider di fraccion di D66, CDA, VVD, GL-PvdA y JA21 lo sigui papia entre nan mes despues di e rondetafel cu informador Buma e wikend aki. Buma a bisa cu tabata un bon combersacion:“Pa mi tabata importante pa papia cu nan hunto, y mi a bisa cu desde e eleccion aki, tabata e prome bez cu nan tabata sinta hunto na mesa.”
Formacion di gobierno hulandes ta pega: Buma no ta mira mayoria ni minoria cu por gobierna
DEN HAAG - Formacion di gobierno hulandes ta tranca actualmente. Den Tweede Camera no tin niun combinacion di partidonan cu tin boluntad pa forma un coalicion cu mayoria. Un gabinete di minoria tampoco lo logra, pasobra no tin suficiente entusiasmo pa esaki. Buma ta kier reuni mañan cu cinco partidonan — D66, CDA, VVD, GroenLinks-PvdA y JA21 — den un charla conjunto pa mira con por bai padilanti. E la bisa cu e ta haci esaki pa preveni un impasse. E informador a papia durante dos dia pasa tocante e ‘documento intermedio’ cu D66 y CDA a scirbi bou di su direccion. E documento ey tabata un man extendi pa mira cual partidonan ta dispone pa hunto drenta na negociacion nobo pa scirbi un acuerdo di gobiernacion.
Hulanda no ta participa na Eurovisie Songfestival debi na participacion di Israel
HILVERSUM - Hulanda no lo participa siguiente aña den e Eurovisie Songfestival. Eso a wordo anuncia pa emisora AVROTROS, despues cu a bira conosi cu Israel no lo wordo excluí pa e organisador EBU. Segun NPO no lo tin otro emisora cu lo asumi e entrada Hulandes. Pero NPO lo garantisa si cu e evento lo wordo pasa pa publico Hulandes. E emisoranan publico Europeo a reuni awe den EBU na Geneve pa papia di futuro di Songfestival. AVROTROS i cuantro otro emisoranan (di Irlanda, Islandia, Spania i Eslovenia) a ceda pa exclui e emisora publico Israelí pasobra guerra den Gaza.
Rey Willem-Alexander preocupa cu e situacion den Caribe pa islanan ABC
DEN HAAG - Rey Willem-Alexander ta preocupa pa e situacion den area Caribe y pa e habitantenan di Aruba, Corsou y Bonaire cu e tension entre Venezuela i Mercay ta spera cu esaki rapidamente por disipa. „Nos ta sinti gran preocupacion pa loke ta pasa aya,” e rey a bisa na medionan Hulandes riba e ultimo dia di nan bishita estatal di tres dia na Surnam.
Personal di cabina di KLM a rechasa e propuesta nobo di CAO
SCHIPHOL - Vereniging Nederlandse Cabinepersoneel (VNC) tin critica fuerte riba e propuesta nobo di CAO (acuerdo colectivo di trabou) di KLM y ta yama esaki “inaceptabel”. Segun e sindicato, e propuesta ta diferente hopi for di loke tabata discuti anteriormente — motibo pa e VNC no kier acepta e propuesta y ta pidi un dialogo nobo.
Corte na Hulanda a absolve Marco Borsato di acusacion di abuso sexual cu menor di edad
DEN HAAG – E cantante popular hulandes Marco Borsato a wordo libera di abuso sexual. Segun tribunal na Utrecht, no tin prueba cu e cantante a toca tras, pechu y partinan intimo di un mucha muhe menor di edad. Ministerio Publico tabata pidi cinco luna castigo pa motibo di abuso sexual. Borsato semper a nenga tur acusacion.
Follow NoticiaCla
