Aeropuerto a aumenta proceso di pasahero cu 5.5% den oktober 2025

ORANJESTAD - Aruba Airport ta continua crecemento den oktober 2025, mustrando demanda solido pa biaha for di mercado principal y un panorama mas fuerte prome di tempo di invierno. E aeropuerto a maneha 120,046 pasahero pagante (RGP) durante e luna, un aumento di 5.5% compara cu aña pasa. Capacidad di asiento a subi te 145,587 asiento (+1.5%), mientras movimiento di avion a yega 1,076 salida (+2%). E carga promedio (load factor) pa oktober a subi 1.6 punto procentual y a yega 87.8%. For januari te oktober 2025, Aruba Airport a ricibi 1,372,382 RGP, representando un aumento di 4.4%. Capacidad di asiento a yega 1,657,156 asiento (+0.9%), cu 11,822 salida di buelo (+3.2%) den es periodo. E carga promedio anual a keda forte na 87.4%, un subida di 1.1 punto compara cu 2024.

TENDENCIAN DEN MERCADO

Mercado di Merca a keda siendo e mercado fuente number un pa Aruba den januari–oktober (69% di share), cu un crecemento di 0.8% den RGP, apesar di un decenso chikito den capacidad di asiento (-0.4%). Mercado di Canada a sigui performa fuerte, cu 12.7% crecemento den RGP y 11.3% aumento den asiento, mustrando demanda solido y expansion di e servicio. Latin America a registra un di e performancenan mas fuerte, cu un crecemento di 19.7% den RGP y 14.8% aumento den asiento, motiva door di conectividad amplia y ruta nobo. Region di Caribense y Caribense Hulandes tambe a duna resultado solido, cu 11.9% crecemento den RGP y 1.8% aumento den asiento. Europa a mira un caida di 1.8% den RGP y un reduccion di 19.5% den asiento compara cu mes periodo den 2024, principalmente pasobra British Airways a para e ruta London Gatwick (LGW)–Aruba den maart 2025.

PERSPECTIVA PA INVIERNO 2025–2026

E temporada di invierno 2025/2026 ta proyecta pa genera mas crecemento, cu Aruba Airport ta anticipa un aumento di 8% den capacidad total di asiento.

MERCA (VS)

Capacidad ta spera pa subi 8.3%, motiva door di varios desaroyonan:

- American Airlines ta cuminza servicio diario for Chicago (ORD)

- United Airlines ta amplia pa servicio diario pa Washington (IAD) y ta agrega cinco buelo semanal pa Chicago (ORD)

- JetBlue ta introduce un ruta tres biaha semanal pa Fort Lauderdale (FLL) y ta aumenta frecuencia pa Boston (BOS) y New York (JFK)

Capacidad den Merca ta spera pa subi 1.2% te final di 2025.

CANADA

Capacidad ta spera pa subi 8.4%, mayormente motiva door di WestJet cu lo hiba te 10 buelo semanal. Pa final di 2025, mercado ta proyecta un crecemento di 13.6%.

LATIN AMERICA

Region ta spera pa registra e aumento mas fuerte den invierno, cu 22% crecemento proyecta den capacidad di asiento.

E crecemento ta wordo dirigi door di:

- Ruta nobo di LATAM: 3 biaha semanal pa Bogota (BOG)

- Copa Airlines ta amplia for 10 pa 14 buelo semanal

- Aerolineas Argentinas ta introduce cinco buelo semanal for EZE, COR y MDZ

Region ta proyecta pa caba 2025 cu 14.6% crecemento di asiento.

EUROPA

Capacidad ta proyecta pa baha 13.1% den invierno, principalmotivo: suspenshon di ruta LGW–AUA di British Airways. KLM lo compensa parcialmente cu dos frecuencia extra pa Amsterdam (AMS). Europa ta spera un caida total di 19.3% te final di 2025.

CARIBE  Y CARIBE  HULANDES

Region ta proyecta un reduccion di 6.8% den capacidad di invierno, despues cu Sky High a stop servicio for Santo Domingo (SDQ).

Pa mas cifra detaya, bishita: AUA Monthly Traffic Statistics