- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Aruba Fashion Week 2025 a anuncia su programa completo y diseñadornan internacional
ORANJESTAD - Aruba Fashion Week ta bek di 11 pa 14 di december 2025, pa celebra moda, cultura y luho Caribense na un nivel distingui. E edicion di aña 2025 ta tuma luga den e resort JOIA Aruba by Iberostar, ubica na Eagle Beach.
Esaki ta un edicion special cu ta ricibi bek e famoso diseñador internacional Agatha Ruiz de la Prada, conoci pa su estilo audaz y expresivo, hunto cu nos orguyo nacional Ronchi de Cuba, cu su vision creativo ta continua duna voz y identidad Caribense riba e escena internacional. Nan ta uni na diseñadornan, modelonan, celebridadnan, medio y influencernan for di diferente pais pa un experiencia di moda y inspiracion di cuater dia.
E evento a inclui palabra inspirador di Angel Leon, Director di Aruba Fashion Week, cu a destaca e vision y mision pa e edicion di e aña aki; Arnaud Le Lanchon, General Manager di JOIA Aruba by Iberostar, hotel anfitrion oficial, cu a enfatisa e vision di e hotel pa sostene y celebra e identidad cultural di nos comunidad; Ivelisse Simon, Events & Sponsorship Specialist di Aruba Tourism Authority (A.T.A.), cu a subraya e potencial di Aruba Fashion Week pa atrae visitante cu poder halto di compra cu ta busca un experiencia di estilo di bida di luho; Junior Arends di Departamento di Cultura Aruba (DCA), cu a reafirma e compromiso di gobierno pa sigui apoya e industria creativo y innovacion cultural; y Ronchi de Cuba, diseñador local renombra, cu a comparti su perspectiva riba e evolucion di moda Arubiano y su influencia creciente den region.
E PROGRAMA — ARUBA FASHION WEEK 2025
Diahuebs, 11 di december ta habri Aruba Fashion Week na gran estilo cu e Kick-Off Event na ZIMA Rooftop Bar na 7:00 PM, den colaboracion cu Shivas Jewelers — dunando tono pa un siman di luho, creatividad y celebracion cultural.
Diabierna, 12 di december ta cuminsa pa 4:00 PM cu e Meet & Greet di diseñadornan y e apertura oficial di e Showroom na Red Sail Boutique JOIA Showroom. Sigui pa 5:00 PM cu un brindis na ZIMA, y pa 6:00 PM e pasarela ta cuminsa den lobby di JOIA.
Diasabra, 13 di december ta cuminsa cu un bishita exclusivo di prensa na Shivas Jewelers na Royal Plaza Mall pa 11:00 AM. E anochi ta contene un otro brindis na ZIMA pa 5:00 PM y un otro gala di moda pa 6:00 PM den lobby di JOIA.
Diadomingo, 14 di december ta habri cu un Catamaran Fashion Sail (exclusivo pa prensa) for di 9:00 AM te 1:00 PM. Den atardi (2:00–5:00 PM) ta tuma luga e Buyers & Bubbles Shopping Event na Red Sail Boutique JOIA Showroom, y e siman ta cera cu e elegante Sunset Soirée na ZIMA Rooftop Bar for di 5:00 PM te 7:00 PM.
Fundacion Muchila Creativo ta celebra 23 aña di crecemento creativo na Aruba
ORANJESTAD - Awe ta un dia special pa Fundacion Muchila Creativo: 23 aña di dedicacion na arte, cultura y educacion inclusivo den comunidad Arubano. For di e aña 2003, e fundacion a carga un mision cla: stimula creatividad door di musica, arte visual, baile, teatro, literatura y multimedia — pa tur edad.
Aruba ta proteha su musica: consulta nacional ta marca inicio di inventario cultural
ORANJESTAD - Comision Nacional di Patrimonio Cultural Intangibel Aruba (PCI) ta lansa un consulta nacional cu sector musical pa cuminsa crea un inventario oficial di patrimonio cultural intangibel di Aruba, conforme tratado di UNESCO. E prome consulta, “Ban Combersa di Musica na Aruba”, lo enfoca riba rol di musica den identidad cultural, cu meta pa identifica, documenta y proteha expresionnan musical local. Participacion di musiconan y sector cultural ta clave pa logra esaki.
Joe Najjar a celebra 20 aña di liderazgo na La Cabana como gerente general
ORANJESTAD - Joe Najjar a celebra binti aña como General Manager di La Cabana Beach Resort & Casino. Cu mas di trinta aña di experiencia den hospitalidad y trahando cu marcanan grandi manera Wyndham, Radisson y Marriott, el a bin Aruba na 2005-2006 pa lidera e hotel den un periodo dificil. Bou di su liderazgo, La Cabana a pasa door di renobacionnan importante, a stabilisa operacionnan y a bira un destinacion fuerte den sector di timeshare. Najjar ta conoci pa su estilo practico, enfoca riba calidad di servicio, desaroyo di empleado y sostenibilidad. Su contribucion no ta limita na e hotel, pero tambe na desaroyo di turismo na Aruba, unda el a hunga un rol importante den industria y den comunidad.
Vibra Latina tabata un anochi yen di ritmo, talento y energia na Harbour Arena
ORANJESTAD – Un atmosfera electrico, un publico entusiasma y un mezcla poderoso di talento regional y internacional a marca e concierto Vibra Latina, teni diasabra anochi 28 di maart 2026 na Harbour Arena. E evento a reuni miles di fanatico cu a disfruta di musica, cultura y entretenimiento di e mas halto nivel.
Filomena College MAVO a mustra talento y futuro durante opendag 2026
SAN NICOLAS – Filomena College MAVO a celebra su opendag 2026, unda mayor y futuro alumnonan a haya oportunidad pa conoci e scol, su maestronan y metodo di enseñanza. Tema di e dia tabata “Bo ruta, bo talento, bo futuro.”
Aruba ta honra Julio Euson cu mural special durante celebracion nacional
SAN NICOLAS – Como parti di celebracion di 40 aña di Status Aparte y 50 aña di Himno y Bandera, Aruba ta rindi homenahe na cantante internacional Julio Bernardo Euson cu un mural especial na San Nicolas.
Follow NoticiaCla
