Accidente cu avion di WestJet na Sint Maarten no tabata falta di e pilotonan

PHILIPSBURG – E colapso di e ‘tren di aterisahe’ principal di banda drechi di e Boeing 737-800 di WestJet dia 7 di september na Sint Maarten no tabata causa pa un aterrisahe duro. Asina Transportation Safety Board of Canada (TSB) ta conclui den un reporte di investigacion actualisa, basa riba e prome lectura di dato di buelo.

Segun TSB, e investigacion ta indica cu tabatin un defecto mecanico. Investigadornan a hana un pin kibra den e tren di aterisahe   banda drechi. E dos parti di e pin ey a wordo transporta pa analisa mas profundo den e laboratorio di TSB na Ottawa. E causa di e kiebro no a wordo determina ainda.

TIMELINE DI E INCIDENTE CU WESTJET NA SINT MAARTEN

E tren di aterisahe di e avion, un Boeing 737-800, segun TSB, a ricibi su ultimo mantenimiento grandi den 2016. E autoridad ta investigando awor si accidentenansimilar a pasa antes cu e tipo di avion aki. E Boeing a ricibi daño despues di aterrisahe y a para banda di pista. Pasaheronan a logra sali na manera siguro.

Un reporte final lo sigui ora e investigacion tecnico ta completa.