Polis di Aruba ta reenforsa boneiro den funcion di hefe di polis uniforma

ORANJESTAD - Polis di Aruba ta reenforsa boneiro den funcion di hefe di polis uniforma. Desaroyo di bo trahadonan ta importante y esey ta nos prioridad den nos organisacion policial. Pa realisa y hacie posibel, KPA ta traha hunto cu diferente instituto- y Cuerponan den region.

Den cuadro di esaki colega Frank van der Lende lo reenforsa partner Korps Politie Caribisch Nederland ( KPCN) na Boneiro pa dos aña. Frank van der Lende lo ocupa e funcion di Hoofd Algemene Politiedienst (HAPD) na Boneiro pa asina e brinda su profesionalismo y conocemento pa de departamento di Polis Uniforma. Tambe ta duna Frank e oportunidad pa eleva su conocimento den e materia aki. Frank van der Lende tin hopi experiencia den diferente departamento di Cuerpo Policial Aruba. Su ultimo funcion den KPA tabata hefe di Polis Maritimo.