Merca cera: Record shutdown ta pone mas presion riba cuidadanonan vulnerabel

WASHINGTON – Nunca antes Merca a keda asina largo den un shutdown manera awor. Ta 37 dia caba cu Democraatnan y Republicanonan den Congreso no por yega na un acuerdo riba un presupuesto nobo. Empleadonan publico no ta ricibi salario, ta tin retraso na aeropuerto y 42 miyon americanonan tin menos placa pa compra comestible. Prijs di seguro medico ta subi te na dak.

E homber di 78 aña, George Carroll, for di Pennsylvania, ta ricibi bon di cuminda bou di e program SNAP. Pero te awor: e pago di e program aki ta casi para. “Bo ta compra un tiki menos cuminda,” e ta bisa tranquilamente. E no ta fan di e presidente di Merca. “Muchanan tin hamber durante Thanksgiving, mientras cu Marie-Antoinette Trump ta haci fiesta.”

E ta referi na e ultimo reina di Francia, pa George simbolo di con un lidernan ta biba den luho mientras e pueblo ta sufri di hamber. Aparte di SNAP, e pensionado ta dependente di Medicare y Medicaid, cu ta seguro medico pa hende bieuw y hende cu condicion cronico. Ambos programanan ta wordo recorta duro bou di e ley Big Beautiful Bill di Trump.