• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Royal Caribbean a prohibi un articulo di bisti pa cruceronan pa islanan den Caribe

MIAMI - Pasaheronan di Royal Caribbean mester ta consiente di regla den Caribe, pasobra un articulo di bisti ta prohibi. Mester bisa mesora cu Aruba no ta aparece riba e lista ey, pero si, riba un otro lista general. No ta conoci si Aruba tambe ta prohibi esaki specificamente. Pues toch, mester tene cuenta cu cierto cosnan ora cu biaha pa Aruba. Tur esaki segun un articulo riba e portal internacional MSN.com.  Segun e raportahe, pasaheronan di e crucero mester ta cuidao cu loke nan ta pone den maleta, pasobra tin un articulo especifico cu no por wordo usa.  E linea di crucero ta biaha pa varios pais y territorio caribeno, cada un cu su propio regla di bisti.  Aunke hopi pasahero por pensa cu ley di Merca ta sigui aplica riba e barco, ta importante pa familiarisa cu e leynan di e destinacionnan di viaje.  Un articulo di bisti aparentemente inocente ta prohibi den algun nacion caribeno, por eso e mihor ta laga e na cas.  E prohibicion aki ta aplica den Antigua, Barbados, Grenada, Jamaica, St. Lucia y Trinidad y Tobago. Pues no Aruba.  Kibrando e regla aki, sea den un pais of riba e barco, por causa multa of den caso extremo, hasta prision.

CUA ARTICULO DI BISTI TA PROHIBI RIBA ROYAL CARIBBEAN?

Segun e pagina di “Preguntanan Frequente ” di e linea di crucero, tur articulo di bisti cu patron di camuflage ta prohibi. E codigo di bisti di Royal Caribbean ta splica cu camuflage y ropa militar ta ilegal den Antigua, Barbados, Grenada, Jamaica, St. Lucia y Trinidad y Tobago.  E pagina ta aclara cu e tipo di bisti aki ta exclusivamente pa personal militar den e luganan ey.

DICON CAMUFLAGE TA PROHIBI DEN BARBADOS?

Segun The Travel, Barbados ta prohibi bisti cu camuflage bao di su Defense Act.  Autoridadnan no kier cu ciudadano of turista usa bisti cu ta parce uniform di e fuerzan militar, pasobra esaki por facilita delincuente pa haci nan pasa pa miembro di e servicio.

E mesun regla ta aplica pa otro paisnan caribeno.  Tur patron y color di camuflage ta prohibi.  Cualkier hende cu ta trata pa drenta cu camuflage lo haya esaki konfiska na aduana.  Importa articulonan prohibi tambe por causa detencion.

RESPETA LEYNAN LOCAL DURANTE VIAJE

Turista mester recorda cu pasaheronan di crucero mester cumpli cu regla den tur puerto cu nan bishita. 

Articulonan cu ta completamente legal den Merca mester keda riba e barco promé cu desembarca.

NO POR BAHA NA ARUBA CU ARMA DI CANDELA

Na maart, un pasahero di Royal Caribbean cu tabata bay Aruba, a wordo deteni pa tin un arma di fuego.  Aruba tin ley estrictu tocante arma, haci ilegal pa carga arma sin permiso aproba.

Articulonan prohibi riba Royal Caribbean:

• Droganan ilegal y sustancianan ilegal  

• Armanan, municion, explosivo, incendiario (incluyendo replica y parti di arma)  

• Explosivo y fireworks  

• Articulo cu llama of vapor (maneira plancha electrico) 

• Cuchillo, obheto skerpi y sker (algun excepcion aplica) 

• Herramienta (incluyendo screwdriver mas largu cu 7 inch)  

• Articulo pa defensa personal y deporte marcial (algun excepcion aplica)  

• Quimico peligroso y articulo dañino  

• Cordon electrico extra, power strip y  

• Radio HAM y aparato di transmision (baby monitor tambe no permiti)  

• Alcohol (excepcion aplica)  

• Aparato pa cybercrimen y delito electrico  

• Vehiculonan recreacional (motor, moped, ATV, etc.)