- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Hoben ta fayece den un auto cu a drenta laman na Malmok
ORANJESTAD - Diasabra pa 5:31 di mainta, Central di Polis ta wordo notifica via Alarm Central cu un auto lo mester a drenta lama na altura di Malmok.
Ta despacha polis, ambulance y brandweer cu urgencia na e sitio.
Na yegada di e prome patruya ta bin encontra cu un testigo na unda e ta bisa polis cu e auto lo a drenta awa y no a wak niun hende sali for di awa.
E agentenan policial no a duda y mesora bay den accion y riesganan bida den scuridad pa controla si tin un persona den e auto. E agentenan a wak cu tin un auto den lama y un persona masculino ainda aden y no ta reacionando.
Central di polis ta pidi asistencia d iKustwacht na unda na nan yegada hunto cu polis ta saca e curpa sin bida e hende homber.
A pone curpa di e fayecido riba e boto di Kustwacht y transporte pa e pier di Hadicurari.
Na e pier polis technico, dokter Forensico y recherche a presenta na e sitio pa asina haci nan investigacion.
Pa 7:10 di mainta Dr. Scholten ta constata morto di Jonathan Jeremy Jr. Wernet naci dia3 februari 2004 Aruba di 21 aña di edad.
Cuerpo Policial ta manda palabra di profundo condolencia na famia di e fayecido.
Polis uniforma ta haya mas materiaal nobo pa sigui eherce nan tarea diario
SANTA CRUZ - Un base solido y fuerte ta e esencia strategico den nos organisacion. Esaki ta trata di hende, recurso, suficiente personal y material adecua. Tambe reconocimiento pa e personal via posicion legal, balora nan funcion y duna e perspectiva den su desaroyo ta un di e puntonan importante pa e desaroya di nos personal.
Alvin Molina: Di parlamentario bek pa hoofdinspector di polis
ORANJESTAD – Hoofdinspecteur Alvin Molina ta bolbe na Cuerpo Policial di Aruba y lo tuma cargo temporario como interim-hefe di e departamento di investigacion riba 21 di december. E ta tuma e funcion aki di inspector Humphrey Koolman. Molina ta traha hopi siman awor hunto cu Koolman pa prepara pa su nobo rol. E ta familiarisa su mes cu e trabounan, conocemento y e manera cu e departamento di investigacion ta funciona.
Polis a controla casi 300 vehiculo y a parti multiple boet
ORANJESTAD Diamars atardi te cu mey anochi agentenan policial di Districto di Oranjestad a tene un control di trafico hunto cu DTP. A controla un total di 297 vehiculo tanto auto y brommer. Un control policial tanto prevento y represivo. Tabata tin diferente boet pa entre otro, maneha auto sin belasting valido, sin seguro valido, sin keuringskaart valido, sin safety-belt y diferente otro infraccion.
Polis a detene casi 20 chauffeur durante control di trafico
SANTA CRUZ – Polis e siman aki a detene casi 20 chauffeur durante control di trafico. Agentenan policial di Santa Cruz tambe a tene nan control den trafico fin di siman cu a pasa. A enfoca pa tene e control riba chauffeur bou influencia di alcohol den oranan di marduga te cu mainta.
Wardacosta y KPA a busca y rescata homber perdi riba laman
ORANJESTAD - Ayera, alrededor di 6’or di atardi Wardacosta a ricibi un melding di Cuerpo Policial di Aruba (KPA) cu un homber cu ta adicto sin cas a perde riba lama. Mesora KPA a cuminsa busca e homber perdi den e area di e costa di Bushiri, Manchebo y Eagle Beach. Wardacosta tambe a desplega un boto chikito y un Metal Shark pa e area di rif di Barcadera. Durante e buskeda, tanto e helicopter como e avion Dash di Wardacosta a wordo desplega pa yuda cu buskeda entre e boortoren (caminda e homber probablemente a landa bai) y e costa. Inicialmente, e buskeda conhunto no a duna resultado, pero alrededor di 10 or di anochi e avion Dash a mira e persona perdi cerca di e plataforma. E tripulacion di e avion a notifica tanto e helicopter como e Metal Shark despues di a mira e homber. Mesora e helicopter a cuminsa hisa e homber for di awa. Despues di a his’e, a hiba e homber pa Aeropuerto Reina Beatrix, unda Cuerpo Policial di Aruba y ambulance tabata presente pa asisti’e. E homber lo sigui risibi asistencia di autoridadnan local.
Cuerpo policial di Aruba ta estrecha cooperacion cu Nederlands Forensisch Instituut (NFI)
SANTA CRUZ - Recientemente account manager Internacional di NFI sra. Judy van Overveld hunto cu advisor forensico International di NFI sra. Yvette van Duin a haci un bishita di trabou na altocomisario sr. Ramon Arnhem. Durante e encuentro aki a mira riba e colaboracion den pasado, a haci tambe un evaluacion y a papia tocante desaroyo pa futuro. “Nos ta mustra gratitud na NFI pa e bon colaboracion y contribucion valioso cu nan ta duna pa cu e investigacionnan forensico” . Cuerpo Policial Aruba pa hopi aña tin un bon colaboracion cu e Nederlands Forensisch Instituut (NFI).
Follow NoticiaCla
