Horcan Melissa a cobra su prome mortonan na Jamaica

KINGSTON – Horcan Melissa ta move lentamente den direccion di noreste na un velocidad di 8 kilometro pa ora. Precisamente dor di e lentitud di e movecion, e consecuencia por bira hopi mas desastroso. Ta spera cu mas cu mita di e poblacion di e isla lo ta afeca pa e tormenta aki. Ta spera cu e centro di horcanMelissa lo yega na costa laat mainta of tempran anochi ora local. Den Kingston y Montego Bay, na banda noroeste, ya a midi bientonan cu velocidad mas grandi cu 88 kilometro pa ora. Prome cu Melissa mes a yega na e isla Caribeno, tres persona ya a muri. E victima nan a cay durante preparacion pa e yegada di e horcan, segun lo Ministerio di Salud a comunica riba X. Nos ta insisti cu e pueblo mester ta extremadamente cauteloso: mescos erro chikito durante condicion di horcan por causa herida serio of morto, segun e ministerio. Maneha den caminda baha di awa of den zona cu desecho ta extremadamente peligroso tambe.