- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
OM: Violencia relacional mester wordo para y castiga
ORANJESTAD - Dia 18 di december venidero Corte lo trata full un mainta di casonan penal di violencia relacional. Hues lo wak cinco caso den cual sospechosonan ta enfrenta cargonan pa maltrato di nan pareha, den algun caso varios biaha y cu heridanan grave como consecuencia.
Cu esaki, Ministerio Publico ta desea pa mustra cu ningun momento no ta asina cu violencia relacional no ta haya atencion. Lo contrario, violencia relaciona ta wordo tuma hopi na serio y persegui activamente. Casonan menos grave sa wordo trata den TOM-zitting, pero casonan serio ta wordo presenta sin excepcion dilanti Corte.
Desde aña 2022, Ministerio Publico ta aplica e directiva “Aanwijzing Relationeel Geweld”, den cual ta regula e actuacion di polis y husticia. E directiva aki ta enfoca riba reconoce, stop y preveni violencia relacional, y riba aumenta e disposicion di e victima pa haci denuncia na Polis.
Muchanan tin un posicion particularmente vulnerabel den casonan di violencia relacional. Hopi biaha nan ta testigo di violencia den cas y ta sufri e consecuencianan. Den bista di Ministerio Publico, e muchanan aki semper ta wordo considera como victima.
E termino violencia relacional ta reemplasa e palabra violencia domestico, pa mustra cu ta trata di violencia den famia of pareha, sin importa si e ta pasa den cas of no. E tipo di violencia aki por ta fisico, sexual, emocional, sicologico y verbal, y e ta inclui tambe stalking y menasa. Tanto muher, homber, menor di edad y hende grandi di edad por cay victima of resulta di ta sospechoso.
Intencion di OM ta pa manda un señal fuerte pa comunidad: violencia relacional mester wordo para y castiga.
OM a bay den apelacion den caso di trafico di hende
ORANJESTAD – Ministerio Publico a dicidi pa bay den apelacion den e caso penal yama “Rixa” contra e sospechoso C.E., acusa di traficacion di hende, di smokkel di hende y di a pone tres persona traha pe ilegalmente durante varios periodo na 2024 y 2025. Corte den Prome Instancia a condena e sospechoso pa un castigo di prison di 10 luna, di cual 4 luna ta condicional, cu un tempo di prueba di 2 aña, mas un multa di AWG 5.000. Pero tambe Corte a declara e sospechoso liber di e acusacion di traficacion di hende, anto ta riba e parti specifico aki di e decision, cu e apelacion ta dirigi.
Diabierna Corte ta trata caso di dos polisnan cu a tira riba Ayden Lanoy
ORANJESTAD - Diabierna aki, na Corte di Prome Instancia lo tuma luga e prome audiencia den e investigacion penal Caret. E investigacion aki ta trata di e incidente di tiramento di 9 di februari 2025 den cual señor A.C. Lanoy a bin fayece. Dos agente di polis (señor V. y señor D.) a ser califica como sospechoso.
OM: Lansamento festivo di proyecto di scol 'Choices matter, so do you'
ORANJESTAD – Riba diamars 4 di november venidero lo lansa e proyecto di scol “Choices matter, so do you” na un forma festivo na Universidad di Aruba. E programa inovativo aki a wordo desaroya riba iniciativa di Ministerio Publico, en cooperacion cu Universidad di Aruba y cu bureau Diversion, cu ta specialisa den desaroya programanan educativo tocante temanan cu ta toca comunidad Na Hulanda tin un programa parecido, diez aña caba, bao di e nomber “Wie grijpt in? E iniciativa “Choices matter, so do you” ta dirigi riba alumnonan di Ciclo Basico di varios scol secundario. E ta duna nan un chens pa drenta den combersacion cu otro tocante cuestionnan actual, bao guia di peer educatornan di Universidad di Aruba y den cooperacion estrecho cu Ministerio Publico.
Retiro di docente di EPI a wordo anula: castigo a wordo considera demasiado severo
ORANJESTAD - E retiro di un docente di Colegio Educacion Profesional Intermedio (EPI) a wordo anula pa e tribunal mas halto pa asunto di empleado publico. Segun e Conseho di Apelacion, e medida disciplinario pa motibo di falta di cumplimiento di deber tabata desproporciona, apesar cu e docente a keda ausente dos luna sin permiso pa sigui un curso religioso na Florida.
Ex minister Besaril ta bay bringa su caso te corte di casacion
ORANJESTAD – Ex minister plenipotenciario Guilfred Besaril a dicidi cu e ta bay ‘all the way’, pa loke ta su caso, cu ta nifica cu e ta bay te casacion. Noticiacla a haya confirmacion di su abogado diahuebs, despues di a delibera algun dia, cu su cliente a opta pa bay casacion, cu ta realmente e ultimo bentana legal cu ta keda e ex mandatario. Esaki aunke cu a wordo bisa cu e caso di apelacion cu e la perde, tabata su ultimo oportunidad y cu e veredicto inicial di culpabilidad y 10 luna prizon tabata irrevocable.
Corte: Ex minister Besaril a perde su apelacion pasobra e lo a apela laat
ORANJESTAD - Awe Corte Comun di Husticia (Hof) a dicta sentencia den e caso penal contra e sospechoso Guilfred.F.Besaril., minister plenipotenciario anterior di Aruba na Hulanda. E caso aki, conoci como Tulipan, ta trata di malversacion di fondonan publico y abuso di funcion durante e periodo di 2017-2022 na Arubahuis.
Follow NoticiaCla
