Bombarderonan B-1B di Forza Aerea di Merca a bula serca di costa di Venezuela

MIAMI  – Bombarderonan B-1B di Forza Aerea Mericano aparentemente a bula serca di costa di Venezuela y tambe serca di algun isla aparta di e pais den Laman Caribe. Siman pasa, un grupo di tres bombardero  B-52 di e mes forza aerea tambe a wordo sigui den e mes area general di Caribe. Ehercito Mericano despues a confirma e buelo nan y a bisa cu e bombarderonan tabata acompaña pa F-35B Joint Strike Fighters di Cuerpo di Marino Mericano.  Esey ta parte di un esfuerso mas grandi di gobierno di Merca pa pone presion riba e lider di Venezuela, Nicolas Maduro, supuestamente pa trafico di droga ilegal, cu ta aumenta posibilidad pa accion militar directo contra blanco den e pais aki.  Segun dato di rastreo di buelo online, por a mira al menos dos B-1 bombers sali for di Dyess Air Force Base den Texas awe mainta. Avionnan KC-135 tanker tambe a wordo sigui saliendo for di MacDill Air Force Base den Florida 90 minuut despues. E bombarderonan cu tabata usa e callsign BARB21 y BARB22 tabata posteriormente sigui volando serca di Venezuela.  

E trayectorianan disponibel, aunke no necesariamente 100% preciso, ta sugeri cu e bombarderonan por a yega te rond 50 miya for di costa di Venezuela, y mas cerca ainda di e islanan Los Testigos.  Dato di rastreo y audio di air traffic control publico tambe a mustra hopi actividad aereo militar di Merca riba Caribe serca di Venezuela durante e mes tempo ei, incluyendo presencia di KC-135 tanker y un avion di inteligencia y vigilancia RC-135. No ta cla ki tipo di RC-135 tabata den e area, pero RC-135V/W Rivet Joint a wordo sigui den region aki den pasado. 

Ademas, un avion E-11A Battlefield Airborne Communications Node (BACN) di Forza Aerea Mericano a wordo sigui volando den direcshon di Puerto Rico, caminda Merca ta estaciona capacidad militar significativo. No ta cla si e buelo aki tabata directa relacional cu e otro actividad aereo militar den banda sur di Caribe, pero e presensia di avion aki ta importante, pasobra e ta facilita comunicacion y intercambio di dato den gran parti di un teatro operacional. E ta particularmente util pa comunica di superficie te na avionnan den aire y otro plataforma den area di batalla.  The Wall Street Journal a confirma e buelo di B-1 segun fuente anonimo, pero comentario di presidente Donald Trump a causa confucion. “Tin raportahe cu Merca a manda B-1 bombers serca di Venezuela pa aumenta presion militar ei. Esaki ta corecto, y por duna mas detalle di e mision?” un periodista a bisa na Trump durante un conferencia di prensa awe.  “No, esaki no ta corecto. Esaki ta falso,” el a responde. “Pero nos no ta feliz cu Venezuela pa hopi motibo.”