Trayectoria di tormenta tropical Melissa: unda e ta y unda e ta dirigí?

MIAMI - E movimiento peligroso di tormenta tropical  Melissa  riba e region di Caribe ta mantene parti di e islanan den alerta pa motibo di menasa di inundacion y deslizamientonan den parti di  Hispañola y  Jamaica . Ta spera cu  Melissa  lo bira un horcan  di gran intensidad mientras e ta move den un trayecto preocupante. Pa motibo di su trayectoria y posible desaroyo, e Centro Nacional di Horcanan di Merca (NHC) ta mantene un  aviso di vigilancia di horcan  pa e peninsula suroeste di  Haiti , for di frontera cu  Republica Dominicana  te  Puerto Principe , y un  aviso di vigilancia di tormenta tropical pa  Jamaica.  

Segun e raportahe di 11:00 p.m. di e diahuebs anochi (ora di Merca) , e sistema tabata na e ora ey aproximadamente  535 kilometer na sur-suroeste di **Puerto Principe, Haiti , y  475 kilometer   sureste di  Kingston, Jamaica. Melissa  ta move pa oeste na mas o menos  4 km/h y ta spera cu e mantene un movimiento lento cu un bira gradual pa noroeste of nor-noroeste durante e proximo dos dia. E trayectoria di pronostico ta contempla cu e tormenta lo yega mas cerca di  Jamaica  y e parti suroeste di  Haiti  na final di e siman aki.  

NHC  ta indica cu e bientonan maximo sostene di  Melissa  ta cerca di  85 km/h  cu rafaganan mas halto, pero ta spera cu e pasa pa un fortalecemento lento durante e proximo dia y cu e por yega categoria di horcan  e  diabierna aki.