Merca ta den un ‘shutdown’, kico ta nifica esaki concretamente?

WASHINGTON - Pa prome bez despues di siete aña, gobierno di Merca a  cera parcialmente. Democratannan y Republicanonan no a logra anochi pa yega na un acuerdonan riba gastonan federal, cu ta wordo fisa anualmente den september. Tanto Republicanonan como Democratannan ta culpa otro pa e instancianan aki.

Pero kico un shutdown di gobierno ta nifica den realidad? Y kico ta e consecuencia? Cuater pregunta y respuesta.

KICO TA PASA DURANTE UN SHUTDOWN?

Durante un shutdown e placa ta cera pa servicionan di gobierno no esencial den Merca. Servicionan cu no ta necesario pa seguridad nacional ta keda para.

Segun e Congressional Budget Office (CBO), aproximadamente 750.000 empleado di gobierno no ta wordo paga y ta wordo manda cas. Esakinan ta, por ehempel, hende cu ta traha na NASA, Ministerio di Salud Publico, Asuntonan Stranhero o Defensa.

CBO ta calcula cu ta trata di rond 400 miyon dollar di gastonan di salario pa dia. Esaki lo por wordo paga eventualmente ora e shutdown ta kaba.

Hendenan cu tin trabou “esencial” – manera FBI, aduana, guardia di frontera y ejercito (casi 2 miyon soldad, incluyendo ciento miembro di Guardia Nacional) – no ta ricibi salario pero mester sigui traha. Miembronan di Parlamento ta ricibi nan pago normal.

KIKO TA E CONSECUENCIA DI UN SHUTDOWN?

Un cera di gobierno ta casi semper bai  cu dañonan economico grandi, pasobra hopi mericanonan ta ricibi menos pa gasta y Merca ta perde ingreso.

Tambe turista cu ta bai Merca lo sinti e consecuencia di shutdown. Lugarnan publico cu ta wordo financia pa gobierno federal, manera museo y parque nacional, mester cera nan porta.

Aunke servicio di trafico aereo ta considera esencial, empleado lo ricibi nan pago solamente despues cu shutdown ta caba. Durante e shutdown anterior den 2018, hopi empleado a reporta nan mes enfermo. Esaki a causa atraso grandi den aeropuerto.

Tambe control riba comestibel, tratamento di awa y plantanan di electricidad a wordo suspende temporariamente. Ademas, obranan di infrastructura cu ta wordo financia of realisa pa gobierno federal por haña atraso. Corte federalnan a bisa cu nan por sigui trabou solo algun dia mas, despues nan mes mester cera. E post nacional si lo sigui entrega.