Merca: Aruba no ta cumpli completamente cu standard pa elimina di traficacion di hende

WASHINGTON - Gobierno di Aruba no ta cumple completamente cu e standardnan minimo pa eliminacion di trafico di persona, pero ta haci esfuersonan significativo pa logra esaki. Asina e ultimo rapport di State Department di Merca ta bisa den su ultimo rapport cu a keda publica. 

ESFUERSO HACI

“E gobierno a demostra un aumento general di esfuersonan compara cu e periodo anterior di reporte; p’esei, Aruba a keda den Tier 2” e rapport ta sigui bisa. E esfuersonan aki a inclui inicia un proceso penal pa trafico di persona pa prome biaha desde 2018, identifica mas victima, y otorga permiso temporal di residencia na dos victima. Ademas, e gobierno a amplia su periodo di reflexion for di 14 pa 30 dia, cu a ser otorgá na cuater victima cu despues a dicidi pa  duna sosten na autoridadnan di ley.

NO A CUMPLI

Sinembargo, gobierno no a cumpli cu e standardnan minimo den algun area clave. E gobierno no a condena ningun traficante bou di e estatuto contra trafico di persona desde 2013. Institucionnan principal contra trafico no a coordina di manera efectivo, lanta obstaculo pa procesar delitonan di trafico. Expertonan a expresa preocupacion cu funcionario ta confundi trafico humano cu contrabando di migrantenan. E gobierno tampoco no a aproba su plan di accion nacional (NAP) prome cu e final di e periodo di reporte. Por lesa e rapport completo AKI.