Corsou: 15 biaha mas asesinatonan cu na Hulanda

WILLEMSTAD – Na Corsou e probabilidad pa un asesinato ta 15 biaha mas halto cu na Hulanda. Na Sint Maarten e cifra ta mes inclusive 25 biaha mas halto. Esaki ta sali for di investigacion di Universidad di Leiden tokante e periodo 2012-2022. E isla ta conta na promedio 11 asesinatonan pa 100.000 habitantenan, contra 0,7 na Hulanda. E otro islanan caribe tambe ta score halto: Aruba 4,1 y e islanan chikito entre 2,8 y 5,0 pa 100.000 habitantenan. Den dies aña di investigacion, e team a registra 345 asesinatonan y homicidionan riba tur isla  Caribe. Nan a usa datonan di polis, caso den corte y informacion den media. 65 porciento di e asesinatonan a wordo comete cu un arma di fuego. Solamente 54 porciento di tur casonan a wordo resolvi.   85 porciento di e victimanan ta homber. Den 91 porciento di e casonan tabata un so autor cu a actua.

INVESTIGACION MESTER MEHORA POLITICA

Investigacion cientifico tocante asesinato na islanan Caribe casi no tabatin. Pa motibo aki Universidad di Leiden a cuminza na 2018 e Dutch Caribbean Homicide Monitor pa tin un bista permanente den violencia mortal.

E investigacion ta colecciona datonan tocante victiman, autornan y casonan den corte. Autoridadnan y husticia por usa e informacion aki pa mehora prevencion y reforza aplicacion di ley. Articulo cortesia curacao.nu