Colombia a confisca propiedadnan di famia cu ta manda cocaina pa Aruba

BOGOTA - Propiedadnan, evalua na mas cu 25.000 miyon peso, a wordo cumpra cu placa di narcotrafico. E famia ta opera for di La Guajira y Cesar y tabata usa ruta maritimo pa manda droga pa Corsou y Aruba. Asina e portal colombiano El Espectador ta raporta.  Maske e señaladonan no tabatin ingreso formal ni registro di actividad economico, nan tabata figura como doñonan di nuebe cas y 11 terreno den diferente luga den La Guajira Un fiscal di Direccion Especial pa Perdida di Derecho di Doño a ordena confiscacion di biennan evalua na mas cu 25.000 miyon peso, perteneciente na un presunto famia cu a sostene durante aña un red delictivo pa trafico internashonal di cocaina for di region Caribe. E persona principal señala ta J. de Jesus, J. Salvador y E. Rafael Perez Escudero. Nan, pese di ta beneficia di Sisben y no tin ingreso formal ni registro di actividad economico, tabata figura como doñonan di cas y terreno den diferente luga den La Guajira.

Investigacion fiscal a conclui cu e propiedadnan no tin motibo legal ni financiero, sino tin un relacion directo cu placa ilegal. Segun pruebannan colecciona, e famia Perez Escudero ta parti di un red delictivo cu ta acumula cargamento grandi di cocaina den area rural di La Guajira y Cesar. For di ey, e droga tabata transporta pa costa y manda via laman pa islanan Corsou y Aruba. Un bez den Caribe insular, e droganan tabata wordo reempaqueta y reexporta pa puerto europeo, especialmente na sur di Espana y Hulanda, segun informacion di bisi.

E propiedadnan a wordo confisca durante diligencianan di CTI den municipio di Maicao y Riohacha (La Guajira). Entre e medidanan cautelar ta suspencion di derecho pa dispone, sekuestro y kontrol hudicial di propiedadnan.

Sociedad di Biennan Especial (SAE) lo asumi administracion temporal di e propiedadnan. E institucion aki ta responsabel pa conservacion, uzo y posible benta di e propiedadnan mientras cu proceso hudicial ta sigui, den kuadro di prosedimiento pa perdida di derecho di doño.