Cinco aña prizon pa ex-presidente frances Sarkozy den caso di placa di campaña for di Libia

PARIS - Ex-presidente frances Nicolas Sarkozy a ser condena na cinco aña di prizon den un caso relaciona cu donacion ilegal pa campaña for di Libia. E ta wordo haya culpabel pa partisipacion den un organizacion criminal. Huez a libera e di otro acusacionnan, manera corrupcion, malversacion di placa publico i financiamento ilegal di un campaña electoral.

Ademas di castigo di prizon, Sarkozy a ricibi un multa di 100.000 euro. E tambe no por pone su candidatura pa cinco aña.

Sarkozy ta bisa cu e condena ta mina e confianza den estado di dereecho frances. E ta sigui sostene cu e ta inocente i a bisa cu lo bai apelacion. No obstante apelacion, e ex-presidente (70) mester drumi den prizon. “E hende cu a condena mi kier mira mi drumi den prizon,” e a bisa poco despues di e veredicto. “Lo mi lucha te ora cu mi a proba mi inocencia.”