Pasahero perdi di barco crucero Horizon ‘no kier wordo haña’

KRALENDIJK - Despues di un busqueda di algun dia na isla Boneiro, Carnival Cruise Line a emiti un comunicado cu e desaparicion di un muher tabata un accion intencional di su banda pa perde. E mericano Jessica Collins, 47 aña, aparente a tuma e desicion pa bandona e barco i ‘keda riba su mes.’ Asina e portal travel mole ta raporta.  “E la baha na Boneiro i no a bolbe. E la baha cu tur su pertenencia den su mochila i a laga un propina den placa pa e trahado di camber huntu cu un nota di gradicimento,” segun e compania di crucero. “Despues, e bishitante a manda un mensahe di texto na un miembro di nos Care Team cu tabata purbando di yega na dje, bisa cu e ta sigur i cu e no kier wordo haña ni wordo contacta mas.” Polis di Caribe Hulandes  na Boneiro tabata occupa cu un operacion pa busca persona perde durante algun dia, sin cu tin report di algo sigur despues cu e a baha for di e barco.

E barco Carnival Horizon a bolbe na Miami fin di siman despues di un buelta di un siman den Caribe Meridional. E barco tambe a para na Aruba i Curacao.