Crucero gigantico a bira bek na puerto despues di pelea grandi cerca di piscina pa muchanan

MIAMI – Un crucero gigantico di compania Mericano Royal Caribbean Group a mester bira bek na haf na Florida dialuna anochi despues cu un pelea a surgi riba barco. Dos pasahero a wordo herida y a mester bai hospital. Polis di county Miami-Dade a bisa cu e incidente a cuminza despues di un discusion entre dos pasahero cu a bay for di control. “E conflicto a bira violencia fisico,” segun declaracion di polis cu The Daily Mail a lesa. “Despues di esaki capitan di e barco a tuma desishon pa bira bek na haf di Miami y pa alarma autoridadnan.”

The New York Post a reporta cu e pelea a tuma luga serca di piscina pa muchanan riba e crucero. E pasaheronan a ricibi herida liviano y a wordo hiba hospital. Nan no a hasi ningun denuncia. Despues di algun ora di atraso, e crucero a sigui cu su biahe.

‘Wonder of the Seas’ ta cuater mas grandi crucero den mundo y a bira bèk despues di un rondreis di cuater dia den Bahama’s.