Partinan Caribense di Reino: Bon gobierno y finansa publico sostenible ta duna perspectiva

DEN HAAG - Den colaboracion cu partinan Caribense di Reino, bon gobierno y un estado di derecho fuerte, finansa publico saludable y sostenible y resistencia economico di e islanan ta central. For di e perspectief aki, nos ta traha riba un futuro comparti cu atencion pa circunstancianan lokal di tur seis islanan. Pasobra di nan posicion geografico, e islanan por sinti directo efecto di desaroyo geopolitico. Continuidad y pas den tempo di tension geopolitico ta central. Presupuesto 2026 ta sigui riba accionnan cu a wordo implementa ya. Esaki ta deriva di e troonrede di diamars mainta. 

Pa Boneiru, Sint Eustatius y Saba ta trata di mantencion y crecimiento di bienestar amplio pa cu e islanan por sigui desaroya den area social, fisico y economico. Esaki ta tuma luga entre otro via e tres Regiodeals. Hunto cu e consehonan insular, gabinete ta enfoca riba finansa sostenible pa futuro y bon gobierno. Entre otro via renovacion di lei cu ta regula relacionnan financiero y administrativo. Asina e islanan lo haya mas posibilidad den futuro pa tuma prestamo, pa nan por cumpli mihor cu nan tarea.

Pa yuda mihor e consehonan insular, nos ta fortalece poder di ejecucion. Pa esaki den 2026 tin disponibel mas cu €4 mln. extra. Agenda Bon Gobierno Caribe Hulandes ta contribui aki tambe, via servicio mihor na habitantenan, institucionnan fuerte y atake contra violacion di integridad. Pa mehora conectividad, subsidio pa Makana ferry lo wordo prolonga. Ademas, den 2026 lo tin €10 mln. disponibel pa puerto di Saba, adicion riba e €30 mln. for di 2025. Pa mehora caminda den Boneiru, lo tin €16 mln. disponibel pa periodo 2025 te 2028. Den 2026 lo tin un plan integral pa infraestructura fisico di Boneiru, Sint Eustatius y Saba. Den marco di e plan aki, e tres islanan huntu cu departamento relevante lo traha riba un agenda fisico pa cada un, cu ta tuma den cuenta poder di ejecucion y desaroyo demografico.

Den colaboracion cu Aruba, Corsou y Sint Maarten, enfoke ta riba bon gobierno y fortalesa di estado di derecho. Esaki ta un condicion esencial pa un sociedad sigura y stabil, desaroyo economico positivo y finansa publico sostenible. Tambe den 2026 Hulanda ta sigui duna sosten na paisnan autonomo den e meta comun aki, cu mas cu €68 mln. disponibel. Den 2026, cu yudansa di Temporario Organisacion di Trabou, lo sigui trahamento riba Landspakketten pa implementacion di reforma socioeconomico. Pa esaki, den 2026 tin €27,6 mln. disponibel.

Pa stimula economia, Hulanda ta habri Regeling Borgstelling MKB-kredieten Aruba, Corsou y Sint Maarten. E regeling aki ta haci posible cu den 2026 y 2027, prestadornan di credito den Aruba, Corsou y Sint Maarten por usa mesun facilidad cu prestadornan di credito den Hulanda y Boneiru, Sint Eustatius y Saba. Hulanda ta sigui duna sosten financiero na Sint Maarten pa su rekonstrukcion despues di orkan Irma den 2017, cu uso di trustfonds na Banco Mundial y cu assistencia tecnico.

 Te 2028 lo tin €24 mln. total disponibel pa un fondo revolvente pa proyectonan cu ta contribui na mas seguridad di cuminda riba tur seis islanan. Den 2026 lo tin ehecucion di subsidioregeling pa iniciativa social y di agenda di accion pa tur seis islanan den partinan Caribense di Reino, como continuacion di e scusamento pa pasado di esclavitud. Den 2026 e monto ta €23 mln.