Por lo menos 3 hotel local ta gana reputacion como destinacion mas inclusivo pa biaheronan LGBTQ+

ORANJESTAD - Aruba, cu cariño conoci como “One Happy Island”, a gana un reputacion como un di e destinacionnan mas inclusivo den Caribe pa biaheronan LGBTQ+. Asina e portal edgemedianetwork ta raporta riba su porta. Segun e portal, herencia hulandes y cultura cosmopolitano di e isla ta stimula actitudnan habri di mente, cu ta separa Aruba di bisiñanan mas conservador. Relacionnan mesun sexo ta legal, y aun cu matrimonio igualitario no a wordo aproba, pueblo di Aruba ta crea un ambiente sin preocupacion y affirmativo pa individuo, pareja y famianan LGBTQ+ pa disfruta.

“Comunidad LGBTQ+ di Aruba ta vibrante y visible, cu localnan y bishitantenan celebrando diversidad riba playa, resort y luga di nightlife di e isla. Hopi hotel y negoshi ta certifica pa Travel Alternative’s Group (TAG), asegurando cu personal ta wordo entrena den diversidad y cu huespednan LGBTQ+ ta wordo ricibi cu hospitalidad genuin”o.

Hospedahe den Aruba ta generalmente inclusivo, pero tin algun cu ta sobresali y ta duna extra pa huespednan LGBTQ+:

- Bucuti & Tara Beach Resort – E hotel boutique solamente pa adulto riba Eagle Beach ta un favorito permanente entre biaheronan queer.  

- Renaissance Aruba Resort & Casino – Localisa den Oranjestad, e resort chic aki ta TAG-aproba y tin un isla privado, hopi opcion pa cena, y un casino activo.

- Hyatt Regency Aruba Resort Spa & Casino – Conoci pa su servicio inclusivo, piscinan espectacular y acceso directo na Palm Beach, e resort aki ta ricibi tur huesped y ta particularmente popular cu famianan y grupo LGBTQ+.