Definitivamente no tin aumento di vliegtax pa parti hulandes di Caribe

DEN HAAG – E gabinete demisionario hulandes Schoof a dicidi pa definitivamente exclui e parti caribeño di Reino di Hulanda for di e aumento di vliegtax pa destino leu cu ta planifica pa 2027. Esaki ta sali cla, segun e Telegraaf, for di parti di Miljoenennota cu a lek i cu lo wordo presenta na Prinsjesdag (diamars cu ta bin).

E gabinete di Schoof cu ta na funcion ainda a dicidi pa cumpli cu e mocion cu a wordo aproba mas tempran e aña aki pa un gran mayoria den Tweede Kamer, presenta pa PVV’er Peter van Haasen. E a laga sa e dañonan cu por tin pa e economia di e islanan si nan tambe mester paga e vliegtax mas halto, mientras cu Hulanda por otro banda ta precisamente ta invertí den fortalesa di nan economia.

E desicion di gabinete ta nifica cu pa buelo pa Curaçao, Aruba, Bonaire i Sint Maarten, e tarifa base (3,25 euro den 2026) lo keda vigente, y  no e tarifa mas halto di 70,86 euro pa buelo mas leu cu 7.000 km.