Quiropractico cu a bay Aruba cu vacantie cu placa horta, sentencia na castigo di prison

NEW ORLEANS - Un quiropractico di New Orleans cu a defrauda Blue Cross y Blue Shield di Louisiana pa un total di $2.3 millon pa paga gasto di lujo, biaje y wega den casino, a wordo condena diabierna na siete aña di prison federal, segun Departamento di Husticia di Merca a bisa.

Den april un jury federal a haya Benjamin Tekippe culpabel riba seis caso di fraude di cuido di salud y un caso di fraude cu telecomunicacion, y a ordena cu e paga $753,794 den restitucion.

“Mientras cu e tabata relaha na playa na Aruba of tabata sera den un cel... e a haci companianan di seguro kere cu e tabata aki mes na Louisiana ta hasi tratamentonan quiropractico cu su pacientenan,” fiscala federal Samantha Usher a bisa den su palabra di apertura den Corte Distrital di EU pa Distrito Oriental di Louisiana dia 24 di maart. “E compania di seguro a paga y finalmente a financia e estilo di bida di lujo di e.”

Tekippe, 40, a atrae pacientenan pa su clinicanan na Metairie y Westbank cu promesa di un masage gratis, segun papel di corte. Algun e a busca den ruta di desfile, otro den su bida personal. Na Metairie Chiropractic y Rehab, pacientenan a haya masage di un ora cu ambiente manera spa: musica, oleo di coco y lus pa ambiente.