Apple a lansa e ‘iPhone mas fini y mas liviano’ y airpods cu ta traduci mesora

CUPERTINO – Apple a saca riba mercado ‘e iPhone mas fin y mas liviano hamas’: e iPhone 17 Air, cu ta costando mas cu 1200 euro. Tambe pa e iPhone 17 ‘normal’ y e iPhone Pro mester hinca man profundo den cartera, pero a cambio bo ta haya un telefon mucho mas rapido cu un camara super cla. E strella di anochi a keda e AirPods Pro 3: e airpods aki ta ofrece traducion instantaneo pa prome biaha. Asina, si bo tin un Hulandes cu ta papia Ingles malo of un Franses bandi bo, bo lo por compronde e persona sin problema.

Bo kier bo tuma un selfie cu un grupo grandi? Cu iPhone 17 ya no tin mester bira e telefon. E camara tin un angulo mucho mas grandi. Y ora cu tin hopi hende den lens, e mes lens ta detecta esaki via AI. Despues, e imagen ta ahusta su mes. Tambe e camara di dilanti tin stabilisacion di imagen, asina cu si bo ta graba bo mes corriendo, e camara ta keda stabil.

Referente na megapixel, e camara ta subi bastante: di 12 pa 24 megapixel.