Aeropuerto di St Maarten ta keda cera te dialuna merdia, debi na incidente

PHILLIPSBURG - Aeropuerto di Sint Maarten ta keda cera te dialuna merdia, debi na incidente diadomingo . Pasahero nan ta wordo conseha pa tuma contacto directo cu nan compania aereo pa informacion di nan vuelo. Buelo cu ta yega ta wordo desvia pa aeropuerto den region, mientras cu buelo cu mester sali a wordo anula of atrasa te ora pista di aeropuerto ta wordo liber.

INCIDENTE

Diadomingo mas tempran, manera cu Noticiacla a relata caba,  un avion di WestJet cu a bin di Toronto, Canada a haci un aterrizahe duro riba tren di aterrizahe drechi. E parte di tren a cai aden, y pone cu e avion a bula riba pista y a ricibi danonan grandi. Bomberonan a yega inmediato na sitio, y tur pasahero a wordo evacua y ningun hende no a ricibi daño. Autoridad di aviacion na Sint Maarten ta investigando causa di e incidente.

KLM

Dialuna no tin vuelo di KLM di Schiphol pa Sint Maarten. Ta bon pa nota cu e aeropuerto tin solamente un pista pa despegue y aterrizahe.

BISHITA DI PREMIER 

Premier di Sint Maarten Luc Mercelina y minister di turismo y transporte a bishita sitio di incidente.