Divi Divi Air ta lansa avion Twin Otter nobo cu nomber di Flamingo

WILLEMSTAD – E compania di aviacion regional Divi Divi Air a opera su avion mas nobo Twin Otter pa prome biaha diasabra ultimo. E vuelo inaugural a conecta e base di cas di e aerolinea Curaçao cu Bonaire, sigui pa un servicio directo pa Aruba. E avion nobo, registra PJ-DVH, ta destaca cu un bista impreshonante ku e tema di flamingo.

E avion, apodo “Flamingo” den seno di e compania, ta staciona na Corsou for di juni 2025. Prome cu drenta servicio, e PJ-DVH a pasa den modernisacion y a wordo ekipa cu un “glass cockpit” di ultimo generacion di e tipo Garmin G950 (G1000).