CMB a presenta Elizabeth Sint como su Managing Director nobo

ORANJESTAD - Caribbean Mercantile Bank diamars a anuncia cu Elizabeth Sintta su Managing Director nobo. CMB recientemente a tuma despedida di Roberto Dijkhoff cu a baha cu pensioen e luna aki. Despues di 40 aña di servicio, Roberto ta culmina su carera den gran forma como Managing Director. 

ELIZABETH SINT  

Elizabeth Sint ta yega CMB via Rabobank unda cu e la traha e ultimo 15 aña den varios funcion clave. Entre otro Elizabeth a funciona como CEO di Rabobank na paisnan manera Chile y Peru, pero tambe como top ehecutivo na Australia y New Zealand. Mester menciona tambe cu prome cu Rabobank Elizabeth a cuminsa su carera na 1991 na ABN-Amro y a traha den varios funcion den e areanan di Risk, Private Equity y Group Strategy. 

DI ARUBA

E posicion aki na CMB ta haci cu Elizabeth ta bin cas bek ya cu e la nace y crece na Aruba, pero a bai biba na Hulanda na momento di sigui su estudionan. Elizabeth ta menciona di ta entusiasma di por bin traha bek na su isla natal.