BDC: Frendsel Giel y Jasmine Simon ta forma parti di gerencia di Banco Di Caribe (Aruba)

ORANJESTAD  – Banco di Caribe (Aruba) NV, a anuncia diamars atardi cu sr . Frendsel Giel y sra. Jasmine Simon ta forma parti di Banco di Caribe ( Aruba) N. V . su gerencia desde di e compra di accionnan na fin di December 2024.

Sr. Giel y Sra. Simon lo sigui guia Banco di Caribe Aruba den su proximo fase di desaroyo, traha riba mehoracion unda mester y sigura continuidad di servicio y stabilidad pa tur cliente y empleado. Gerencia y accionista ta confia cu nan experiencia amplio y liderazgo lo contribui pa reforza e posicion di Banco di Caribe (Aruba) den mercado y pa amplia e oportunidadnan pa e Banco su clientenan y empleadonan.

“E integracion di Banco di Caribe (Aruba) den e famia di AIB ta un paso strategico cu ta fortifica nos compromiso cu Aruba. Nos ta dedica pa sigura cu clientenan y empleadonan ta sigui haya stabilidad, confianza y inovacion den servicio. Nos ta mira cu optimismo e futuro di Banco di Caribe (Aruba). Nos meta ta pa sigui traha hunto cu nos equipo y clientenan pa amplia e posibilidadnan di crecimiento y pa brinda un servicio bancario di nivel.”, segun Sr. Frendsel Giel.