Hackernan na Hulanda ta exigi casi €1.1 miyon pa preveni filtracion di dato medico

RIJSWIJK - E criminalnan cu a horta e datonan medico di cientos di miles di Hulandes for di un laboratorio na Rijswijk ta exigiendo casi €1.1 miyon di e compania pa evita cu e datonan wordo publica.

E fin di siman aki, un mensahe a aparece riba e dark web den cual e grupo di hacker Nova a menasa di divulga e datonan di tur manera. E hackernan awor tambe a menciona un prijs: Nova kier pa Clinical Diagnostics paga 11 bitcoins, cu ta suma na casi €1.1 miyon.

E hackernan ta afirma cu un otro cumprado interesa kier e datonan pa e montante ey, aunke esei tambe por ta un blof.