Secretario di Estado van Marum a start su bishita na Corsou

WILLEMSTAD - Ayera Sekretario di Estado nobo enkargá ku asuntunan di Reino, sr. Eddie van Marum a start ku su bishita na Kòrsou. Despues di a bishitá sra. gobernadó, sigui pa mandatarionan, a sigui bishitanan “sosial”.

Sr. van Marum a bishitá Hòfi Cas Cora, un kunuku ekológiko manehá pa empresarionan lokal hóben. Despues a tuma lugá un kòmbersashon ku partnernan di kolaborashon, embolbí ku e tema di fronteranan sigur.

Den oranan di atardi e sekretario di estado, durante un kanamentu den e parti di siudat, Otrobanda, a topa ku e sosiedat sivil, i representantenan di sektor komersial/empresarial na Kòrsou. E enkuentro aki a tuma lugá na Kura Hulanda Botanical.

Seguidamente bou di guia di ‘rangernan’ di e instituto di investigashon, Carmabi, e sekretario di estado a bishitá parke di pal’i mangel. Aki e sekretario di estado a risibí informashon tokante vulnerabilidat di pal’i mangel i di koral.

Su último dia di bishita ta kontinuá awe, kaminda e sekretario di estado lo kòmbersá ku piskadónan. NOTA: Texto ta scirbi den papiamento fonetico di Corsou.