Ex presidente colombiano Uribe condena pa influencia di testigo

BOGOTA - Ex Presidente Colombiano Uribe a wordo condena pa influencia testigo y soborno. Huez Sandra Liliana Heredia a lesa su veredicto den mas o menos diez ora. Heredia a declara cu tin suficiente evidencia cu Uribe a conspira cu un abogado pa induci tres miembro anterior di gruponan paramilitar encarcela pa altera nan testimonionan. Nan a duna esakinan na Ivan Cepeda, un senador di izquierda cu a lansa un investigacion riba e supuesto lasonan di Uribe cu un grupo paramilitar.

E caso a cuminsa na 2012, ora Uribe a presenta un demanda di difamacion contra Cepeda na Corte Supremo. Corte Supremo a rechasa e acusacionnan contra Cepeda na 2018 y a lansa un investigacion riba e ex mandatario. Uribe ta apelando e veredikto den e caso, cu a dividi su partidarionan y opositornan politico profundamente. Uribe di 73 aña di edad no tabata presente pa e veredicto. Partidarionan y oponentenan a reuní pafo. Enfrentamentonan a surgi entre nan despues di e veredicto. E ex mandatario ta enfrenta un castigo di prison di te cu diesdos aña. E sentencia ey lo wordo determina den un audiencia separa.