Grupo di 142 becado di Corsou a sali rumbo pa Hulanda

WILLEMSTAD - Ayera djadumingu atardi, aeropuerto di Kòrsou tabata yen yen di hóben ku a sigui pa Ulanda pa nan estudio. Huntu ku nan mayornan, famia, amigunan i konosínan a reina un situashon basta emoshonal. Alegria i alabes tristesa; kontentu di por biaha pa un mihó futuro i tristesa pasobra kas ta keda bashí ta loke nos por a tende di diferente mayor ku nos a papia kuné na aeropuerto di Kòrsou.

Den e delegashon a biaha tambe representantenan di Stichting Studie Financiering ku na kabes e direktor, Sidney (Bicho) Justiana, kende a pidi mayornan pa sigui sostené nan yunan i ta solamente dor di traha nan lo hasi fout.

Ayera a subi avion 142 studiante miéntras ku ya tin 18 na Ulanda pa yega e total di 160 bekado e aña akí.

“Mi ta gradisí e timnan di SSC. Sin nan, SSC no ta nada. Nos ta kla i a bisa mayornan ku e trabounan ku nan a hasi ta kla i duna e studiante chèns pa desaroyá. E hóbennan a haña e edukashon i konosementu i awor ta mustra kuantu e por. Niun mucha no ta faya. Ta esun ku ta traha por hasi fout esun ku no ta hasi nada nunka ta hasi fout”, Justiana a manda komo mensahe. Awor akí tur hóben tin nan kas kaba. “Nos a kontrolá nan i awor lo konsentrá pa esnan di 2 aña, pa otro aña lo no tin e problema di kas mas. Awor ta koregí fayonan di añanan tras di otro”, e direktor a enfatisá. “SSC ta mustrando su dinamismo. Nos ta pa esnan ku ta na Kòrsou, den region i esnan na Ulanda”. NOTA: Texto ta scirbi den Papiamento fonetico di Corsou.