Piloto di Delta Airlines ta evita accidente aereo contra B-52 di Forza aereo Mericano

BISMARK - Un piloto di Delta Airlines su ‘maniobra agresivo’ a evadí e bombarder B-52, y preveni un accidente aereo den laira den un pesadiya di buelo angustioso. E piloto comercial cu a pensa rapido, a ehecuta un maniobra evasivo “agresivo” pa evita e accidente den laira cu un bombardero B-52 di Forsa Aereo di Merca riba North Dakota.

E jet Embraer E175 — na kaminda for di Minneapolis-Saint Paul pa Minot International Airport na North Dakota — a yega peligrosamente cerca di dal den e B-52 Stratofortress for di Minot Air Force Base durante e buelo di 90 minuut diasabra anochi. E piloto di SkyWest Airlines a hasi un “maniobra agresivo” pa evita e bombarder cu tabata drentando, cu miembronan di tripulacion y tambe pasaheronan na e banda drechi di e jet por a mira for di nan bentana, Aviation A2Z a informa.

Pasaheronan den e avion a bisa cu e atmosfera abordo tabata “straño trankil” ora e jet comercial a haci un serie inespera di birada skerpi. “Mi a sinti manera mi tabata gaslighting mi mes, manera kisas mi tabata bira loco, pasobra niun otro hende no tabata reacciona,” e pasahero Monica Green a bisa KFYR TV.

E TRAYECTO DI BUELO DI E AVION PA EVITA CALAMIDAD.

“Manera el a bis’é, casi tabata zona manera e tabata insinua cu aterisahe safe kisas no ta un opcion pa un rato. Nos tur a djis wak otro y keda keto.” Green a elogia e piloto pa duna un relato sumamente detayá di tur loke a pasa, y a bisa cu e por a bisa pa su bos cu e tabata sagudí. “E tabata hopi casual, si bo por ta casual tocante algu asina, pero bo por a bisa cu e tabata estresa. E tabata casi tembla, tratando di haña e palabranan corecto, pero e tabata amabel y detaya. Tabata sinti bon cu nan no tabata djis bai brush it off,” Green a bisa. E piloto a bisa pasaheronan riba e sistema di comunicacion publico den e avion, cu el a ricibi instruccion di controladonan di trafico aereo pa cambia di direccion debi na separacion inadecua for di un avion anterior riba e trayecto di asercamento.