Trabao na rotonde simbolico di e plan nacional di reforestacion ta sigui

ORANJESTAD - Cu un compromiso y colaboracion publico-priva, e trabaonan di renobacion ta continua na e rotonde cerca di e edificio historico na Zoutmanstraat #1 , cual tambe ta den mantencion. Dia 14 di juli, a tuma luga e lansamento oficial di Programa Nacional di Reforestacion di Aruba, cu presencia di Prome Minister mr. Mike Eman, cu ta encarga tambe cu Naturalesa y Cultura. Un di e negoshinan den e area, ZARA a adopta e rotonde y nos por a compronde cu esaki ta nifica cu e lo tuma e gastonan pa su cuenta. 

PROGRAMA DI REFORESTACION

E Programa Nacional di Reforestacion ta parti di un plan y estudio mas amplio cu Prome Minister Eman a anuncia recientemente hunto cu Universidad di Wageningen: "Aruba 2050, A Nature Inclusive Vision". Eman a lansa tambe un iniciativa social mas amplio cu participacion di mas cu 27 organisacion local y iniciativa for di sector publico y priva.