Comandante di OTAN ta adverti di atake entre Rusia y China na 2027

WASHINGTON - OTAN mester ta prepara pa e posibilidad cu Rusia y China por lansa un atake simultaneo den dos aña. China por ataca Taiwan e ora ei mientras Rusia ta preocupa Europa, e comandante maximo nobo di e aliansa ta adverti.

General Mericano Alexus Grynkewich, kende ta lidera e defensa di OTAN di Europa, a ripiti e advertencia di secretario general Mark Rutte diahuebs cu Rusia y China ta colusionando. “Tempo ta cabando,” Grynkewich a bisa den su prome discurso mas detaya desde cu el a tuma oficina dos siman pasa, pasobra un atake por bini te na 2027.

“E dos cosnan ey por sosode simultaneamente”, Grynkewich a bisa di un atake Chines riba Taiwan y un atake Ruso riba Europa. “Nos tur a tende e aña 2027 menciona. Esei ta djis dos aña di awor, ora Xi por ta cla pa actua.”