Iberostar Group reconoci den 'TIME100' como un di e companianan mas influyente

ORANJESTAD  — Iberostar Group, compania propietario di e hotel Joia Aruba by Iberostar, a wordo reconoci como un di e companianan di mas influyente na e lista di TIME100. E lista prestigioso aki cu ta sali anualmente ta honra 100 companianan cu tin un impacto global extraordinario. Iberostar, un compania 100% di famia Spaño ta wordo destaca den categoria di lidernan pa su compromiso cu un modelo di turismo responsibel y pa su impacto den e industria global di turismo, y su ambicion pa transforma e sector atraves di ciencia y innovacion.

E reconocemento aki ta pone Iberostar como e unico compania di origen Spaño den turismo riba e lista di "TIME" cu ta reconoce companianan cu tin impacto riba e futuro di mundo empresarial, sostenibilidad, innovacion, impacto y exito economico.

"E reconocemento aki di TIME ta duna nos mas motivacion pa sigui transforma turismo y ta pone e esfuersonan colectivo di un ekipo excepcional cu ta traha cu un vision pa futuro y ta compromete cu excelencia. E logro aki ta duna nos inspiracion pa sigui bai dilanti cu determinacion y pone nos proposito y balornan como pilar fundamental di nos crecemento pa futuro," a remarca Sabina Fluxá, Vice-Chairman y CEO di Grupo Iberostar.

Compromiso cu un modelo di turismo responsabel

Loke a pone Iberostar resalta ta su enfoke riba un modelo positivo di turismo responsabel, cu ta pone e ser humano y planeta como focus principal. Via su movecion Wave of Change, e compania ta promove ambiente laboral inclusivo y; cu ta fortalece su compromiso cu comunidadnan, stimula desaroyo socio-economico di e destinonan caminda e ta opera. Esaki ta motiva accionnan pa proteha biodiversidad marino y mitiga impacto climatico, for di rifnan den Caribe te posidonia den Mediterraneo. Igualmente, e compania ta traha pa promove un oferta gastronomico mas consciente cu ta conecta cu lama como fuente di bida y ta traha riba accionan concreto pa restaura ecosistemanan marino y costero, y tambe ta traha pa consolida un experiencia circular den su hotelnan, minimalisa desperdicio, mehora eficiencia energetico y alarga bida util di materialnan. Tur esaki sin perde bista riba crecemento responsabel, cu ta balansa rentabilidad, un manejo ambiental riguroso y impacto social positivo.

"Pa wordo inclui den e lista TIME100 ta reafirma cu nos ta hasiendo avancenan positivo basa riba ciencia, colaboracion y proposito, esaki ta importante den crecemento di empresa. Door di integra un enfoke strategico responsabel den nos operacionnan, nos kier mustra cu sostenibilidad ta genera balor pa tempo largo. E reconocemento aki ta fortalece nos vision pa crea un modelo di turismo cu ta sostene naturalesa, apoya comunidadnan local y crea resiliencia - pa crea beneficionan pa futuro generacion," ta remarca Gloria Fluxá, Vice-Chairman y Chief Sustainability Officer di Grupo Iberostar.

Pa genera e lista, TIME a selecciona nominadonan den tur sector y a consulta su red global di "contributors and correspondents", hunto cu experto Internacional. E editornan di TIME a evalua cada categoria nomina basa riba factor clave, incluyendo impacto, innovacion, ambicion y exito. E resultado ta un grupo diverso di 105 compania cu ta yuda na desaroyo. 

Por revisa e lista completo via e link aki: https://time.com/time100