Comite Olimpico Arubano ta conoce un directiva nobo pa 2025-2028

Posted on 07/7/2025 9:40 am AST | Updated on 07/7/2025 9:40 am AST

ORANJESTAD - Diasabra ultimo durante asamblea general di Comite Olimpico Arubano a trata varios punto di agenda manera ta stipula den e statutonan di e asocacion. Entre otro a trata e actualisacion di e statutonan di COA cu a wordo aproba door di e federacionnan miembro y a ser manda pa Comite Olimpico Internacional pa asina percura cu ta cumpli cu tur rekisito na nivel internacional. Ademas di esaki, a trata e relato anual 2024, unda a presenta e relato financiero y e relato di actividad cual ta splica tur cos cu COA a experiencia aña pasa. Importante pa remarca cu e relato financiero a wordo presenta door di Zarina Trimon di BDO, cu ta e compania di contabilidad di contabilidad cu ta traha riba e relato financiero. Esaki tambe a haya un aprobacion unanimo di tur federacionnan miembro presente.

E ultimo punto di agenda tabata e eleccion di directiva nobo pa COA. Manera ta costumber, cada 4 aña tin eleccion pa eligi e siguiente directiva cu lo maneha COA pa e ciclo Olimpico cu den e caso aki ta pa e ciclo 2025-2028. Previo na e eleccion, a conoce e retiro di dos miembro di e directiva saliente, unda a mira tesorera Juelle Thode y comisario Perlishka Lockhart tuma nan despedida di COA. Ambos a aporta grandemente na e desaroyo y progreso di COA y a gracidi nan pa e aporte brinda.

Sinembargo, a presenta dos candidato nobo cu a postula nan mes pa kier forma parti di e directiva di COA. Aki a mira Marushka Lee Tromp cu lo bira miembro di e directiva como comisario y lo tin como areanan di interesa e parti di sostenibilidad (ESG) y bon gobernansa, ademas di promove e balornan Olimpico. Marushka ta Secretaria General di UNESCO Aruba, unda su tareanan ta alinea cu esnan cu lo traha riba dje na COA. E siguiente tesorero di COA lo ta Marilyn Ellis, cu ta un profesional dinamico cu hopi conocimento y expertisio den e mundo di finansas, maneho y educacion. Su profiel como profesional ta dune tur capacidad necesario pa por fungi como tesorero di COA y su experiencia lo brinda un perspectiva nobo pa asina por pensa riba nivel strategico na e desaroyo a plaso largo di maneho deportivo.

Despues cu ambos a keda unanimente eligi como miembro nobo di Directiva, a conoce e directiva di COA pa 2025-2028. E directiva aki lo tin como presidenta Wanda Broeksema, Secretaria General Nicole Hoevertsz, Vicepresidente Randall Van Trigt, Tesorero Marilyn Ellis, segundo Secretario General Maarten Willems, Comisario Marushka Lee Tromp y miembro Monica Pimentel cu ta forma parti di e directiva como Presidente di e comision di atleta. COA ta yama e dos profesionalnan cu a tuma e reto aki bon bini y ta cla pa traha na bienestar di deporte na Aruba.

813 coredor lo conkista Aruba awe nochi durante e historico 34 edicion di Ronde van Aruba
SAVANETA – E ambiente na Marinierskazerne Savaneta tabata yen di emocion, tension y orguyo durante briefing oficial di e 34 edicion di e famoso Ronde van Aruba, unda oficialmente a confirma cu no menos cu 813 participante lo reta nan curpa y mente den e agotador careda di 72 kilometer rond di Aruba. E evento, cu durante decenionan a bira uno di e competencianan di resistencia mas iconico di Caribe Hulandes, lo wordo cori awe diabierna 15 di mei y sigui te mainta dia siguiente. E careda, cu ta cubri practicamente henter perimeter di Aruba, ta combina resistencia fisico, disciplina mental y trabao di ekipo den un reto unico cu cada aña ta atrae mas corredor local y internacional.
Mas Deporte
Lesa Mas
Max Verstappen ta cuminsa careda di 24 ora di Nürburgring for di cuater posicion
NÜRBURGRING - Max Verstappen, coredo hulandes di careda di Formula 1, y su compañeronan di ekipo lo cuminsa e famoso carrera di 24 ora di Nürburgring for di cuarta posicion. Compañero di Verstappen, Daniel Juncadella, no a logra sigui e ritmo di e Lamborghininan liher cu a conquista prome y di dos lugar durante clasificacion.
Mas Deporte
Lesa Mas
Exitoso Women in Para Sport Forum na Aruba
ORANJESTAD - Aruba tabata anfitrion di e di cuatro edicion di e Women in Para Sport Forum, unda participante y atleta paralimpico for di diferente pais den continente America a reuni pa tres dia di actividad y intercambio di experiencia.
Mas Deporte
Lesa Mas
La Leyenda Island Series 2026 ta trece un evento internacional di ciclismo na Aruba
ORANJESTAD - Riba diaranson 6 di mei, a firma e contract oficial entre La Leyenda Island Series y Aruba Tourism Authority (A.T.A.), marcando un paso importante den e preparacion y ehecucion di e prome edicion di La Leyenda Island Series Aruba. Entre e representantenan presente tabata Ronella Croes, CEO di Aruba Tourism Authority, hunto cu demas representantenan di A.T.A., Brian Patrick Murphy O’Neill di La Leyenda Island Series y Jeanuar de Palm di The Caribbean Trail Legends Foundation y demas representantenan.
Mas Deporte
Lesa Mas
Registracion pa Aruba Bank Walk & Run 2026 ta diahuebs
ORANJESTAD - Registracion pa e 20 edicion di Aruba Bank Walk & Run 2026 ta habri diahuebs 7 di mei pa 6or di atardi via e sistema online. Participantenan por registra via website di Aruba Bank, social media of Aruba Bank Walk & Run App.
Mas Deporte
Lesa Mas
Un total di 42 scol a participa den Weganan Escolar 2026
ORANJESTAD - Durante dos siman, alumnonan di scol preparatorio, basico y avansa a participa den Weganan Escolar 2026, un competencia deportivo organiza pa promove deporte, amistad y positivismo entre hoben na Aruba.
Mas Deporte
Lesa Mas