- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
Comite Olimpico Arubano ta conoce un directiva nobo pa 2025-2028
ORANJESTAD - Diasabra ultimo durante asamblea general di Comite Olimpico Arubano a trata varios punto di agenda manera ta stipula den e statutonan di e asocacion. Entre otro a trata e actualisacion di e statutonan di COA cu a wordo aproba door di e federacionnan miembro y a ser manda pa Comite Olimpico Internacional pa asina percura cu ta cumpli cu tur rekisito na nivel internacional. Ademas di esaki, a trata e relato anual 2024, unda a presenta e relato financiero y e relato di actividad cual ta splica tur cos cu COA a experiencia aña pasa. Importante pa remarca cu e relato financiero a wordo presenta door di Zarina Trimon di BDO, cu ta e compania di contabilidad di contabilidad cu ta traha riba e relato financiero. Esaki tambe a haya un aprobacion unanimo di tur federacionnan miembro presente.
E ultimo punto di agenda tabata e eleccion di directiva nobo pa COA. Manera ta costumber, cada 4 aña tin eleccion pa eligi e siguiente directiva cu lo maneha COA pa e ciclo Olimpico cu den e caso aki ta pa e ciclo 2025-2028. Previo na e eleccion, a conoce e retiro di dos miembro di e directiva saliente, unda a mira tesorera Juelle Thode y comisario Perlishka Lockhart tuma nan despedida di COA. Ambos a aporta grandemente na e desaroyo y progreso di COA y a gracidi nan pa e aporte brinda.
Sinembargo, a presenta dos candidato nobo cu a postula nan mes pa kier forma parti di e directiva di COA. Aki a mira Marushka Lee Tromp cu lo bira miembro di e directiva como comisario y lo tin como areanan di interesa e parti di sostenibilidad (ESG) y bon gobernansa, ademas di promove e balornan Olimpico. Marushka ta Secretaria General di UNESCO Aruba, unda su tareanan ta alinea cu esnan cu lo traha riba dje na COA. E siguiente tesorero di COA lo ta Marilyn Ellis, cu ta un profesional dinamico cu hopi conocimento y expertisio den e mundo di finansas, maneho y educacion. Su profiel como profesional ta dune tur capacidad necesario pa por fungi como tesorero di COA y su experiencia lo brinda un perspectiva nobo pa asina por pensa riba nivel strategico na e desaroyo a plaso largo di maneho deportivo.
Despues cu ambos a keda unanimente eligi como miembro nobo di Directiva, a conoce e directiva di COA pa 2025-2028. E directiva aki lo tin como presidenta Wanda Broeksema, Secretaria General Nicole Hoevertsz, Vicepresidente Randall Van Trigt, Tesorero Marilyn Ellis, segundo Secretario General Maarten Willems, Comisario Marushka Lee Tromp y miembro Monica Pimentel cu ta forma parti di e directiva como Presidente di e comision di atleta. COA ta yama e dos profesionalnan cu a tuma e reto aki bon bini y ta cla pa traha na bienestar di deporte na Aruba.
Red Bull ta confirma: ‘Descubridor di Max Verstappen’, Marko (82) ta laga Formule 1
MILTON KEYNES - E tabata ser spera, y awor ta oficial: Helmut Marko ta laga Formule 1. Various medio internacional tabata papia ayera anochi cu e asesor top di Red Bull Racing lo sali for di team, y awor e team di Max Verstappen a confirma esaki. Despues di 20 aña, 417 carrera, 6 titulo di constructor y 8 titulo di hungador, manera e team mes ta bisa riba social media, un icono ta sali for di Formule 1. “Ta tristo cu Helmut ta laga nos,” asina teamboss Laurent Mekies a bisa. “Durante dos decada e la keda un parti esencial di nos team y di henter programma di Red Bull. Esaki ta un final pa un capitulo increiblemente exitoso.” E hungador austriaco di 82 aña a dirigi programa di formacion di e team pa hopi aña y ta considera como e persona cu a descubri Verstappen. E sali dadi Marko no tin ningun consecuencia pa futuro di Verstappen na Red Bull. E hungador hulandes a confirma caba cu tambe den 2026 e lo sigui cu e team.
Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
WASHINGTON - Seleccion nacional di Hulanda lo hunga es prome verano na Mundial di futbol den grupo F contra Japon, Tunez y un pais Europeo cu mester ainda cualifica. E ultimo contrario ta sali for di play-offnan cu lo tuma lugar fin di maart entre Zweden, Polen, Ucraina y Albania.
Tur ekipo pa e temporada nobo di Formula 1 ta conoci: Solamente Tsunoda ta desaparece
AMSTERDAM – Tur ekipo pa e proximo temporada di careda di auto professional di Formula 1 pa 2026 ta completo. Entre esnan mas popular, tin Red Bull cu a anuncia e piloto pa nan dos teamnan di Formula 1 e siman aki. Cu Cadillac tin un team nobo ta drenta den e competencia, y pesey aña otro lo tin 22 auto riba e startgrid enbes di 20. Audi ta nobo tambe como suceso di Sauber.
Hadjar ta reemplaza Tsunoda como compañero di Verstappen den Red Bull Racing na 2026
BRUSELLAS - E conductor di auto di 21 aña Isack Hadjar lo bira den 2026 e compañero di Max Verstappen y lo reemplaza Yuki Tsunoda proximo temporada. Cu Verstappen lo ricibi un compañero nobo, tabata hopi cla ya. Tsunoda a wordo pasa riba for di Racing Bulls, e team ruman di Red Bull, den maart despues di dos carrera den e temporada actual. Pero como reemplazo di Liam Lawson cu no a logra, e japones tampoco no a logra haci hopi cos. E diferencia di punto entre Verstappen y Tsunoda ta realmente grandi: 396 contra 33. Un regreso di e japones na e team ruman awe no ta un opcion. Hadjar a haci un bon impresion den su temporada di debut na Racing Bulls. Aña pasa e la caba di dos den campeonato di Formula 2. Ey Hadjar tabata conoci como rapido pero tambe como un corredor hopi feroz y salbaje.
Menzo ta para como bondscoach di Surnam, mientras cu clasificacion pa mundial ainda ta posible
PARAMARIBO - Stanley Menzo a dicidi pa stop cu su tarea como bondscoach di Surnam, mientras cu su team ainda por cualifica pa copa mundial di futbol. “Despues di un evaluacion profundo di e periodo internacional pasa y despues di un combersacion cu nos general manager Brian Tevreden, mi a dicidi e siman aki pa laga mi funcion como trainer-coach di seleccion nacional di Surnam”, Menzo a bisa den un declaracion. E pais na maart mester hunga den e playoff intercontinental na Merca drenta na competencia contra Bolivia. Si e gana, ta warde un duel final contra Irak. Surnam a perde e oportunidad pa cualificacion directo pa copa mundial luna pasa cu un derrota di 3-1 contra Guatemala den e serie di cualificacion.
Fout di McLaren a pone su titulo di campeon mundial Formula 1 na peliger
QATAR - E lucha pa campeonato mundial di Formula 1 a haya un plottwist nobo na Qatar diadomingo. Max Verstappen a gana su septimo carrera di aña despues di un fout strategico grandi di McLaren y a acerca na lider di WK Lando Norris, cu a caba solamente na di cuater lugar, cu ta nifica un separacion di apenas diesdos punto entre nan dos pa e liderazgo.
Follow NoticiaCla
