- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Entrante augustus por pidi subsidio pa iniciativa relaciona cu pasado di sclabitud
DEN HAAG - Pasado di sklabitut ta un parti doloroso, pero importante di nos historia komun. Durante hopi tempu e inhustisia aki a haña muchu poko atenshon, miéntras ku te ainda ta ripará su impakto. P’esei ta inisiá den ougùstùs 2025 un areglo di supsidio pa inisiativanan sosial relashoná ku pasado di sklabitut transatlántiko. Fundashonnan e ora ei por pidi supsidio pa proyektonan ku ta kontribuí na rekonosementu, rehabilitashon i konsientisashon. E areglo akí ta un di e akshonnan relashoná ku e diskulpanan pa pasado di sklabitut hulandes.
Awe a publiká e areglonan pa tantu Hulanda Oropeo komo e parti karibense di Reino.
Na 2023 ministerio di Asuntunan Interno i Relashonnan den Reino a organisá kòmbersashon- i diálogonan den henter Reino. A papia ku partisipantenan entre otro tokante struktura di e areglo di supsidio. E kòmbersashonnan akí a suprayá un biaha mas kon e efekto di sklabitut te ku dia di awe ainda ta kousa desigualdat, entre kultura- i komunidatnan.
A tene kuenta ku input di e kòmbersashonnan akí ora di formulá e areglonan di supsidio. Un punto importante tabata, ku e areglo mester ta aksesibel, pa organisashonnan chikitu tambe. P’esei deliberadamente a tene e prosedura di aplikashon simpel. Pa informá organisashonnan adekuadamente ta organisá enkuentronan di informashon na Hulanda Oropeo i e parti karibense di Reino.
Preparashon i ehekushon bon prepará
Pa hinka e areglo den otro mester tabata kuidadoso. Mester a haña un organisashon di ehekushon ku eksperensia den traha ku areglonan di supsidio pa e komunidatnan embolbí. Entretantu ta evidente ku Uitvoering Van Beleid, parti di Ministerio di Asuntunan Sosial i Empleo, ta bai ehekutá e areglo.
Minister Uitermark: "Ora ta trata di pasado di sklabitut, ta importante pa para ketu na e pasado, pero pa wak tambe padilanti. P’esei mi ta kontentu ku despues di un periodo di hopi kòmbersashon i trabou, nos por inougurá e areglo. Un areglo ku ta aksesibel, realisá huntu ku komunidat, pa kua deliberadamente a invertí hopi tempu aden. Ta importante pa krea konsiensia kolektivo tokante pasado di sklabitut, pa nos para ketu na kon nos ta anda kuné den presente i traha riba un futuro komun.”
Ocho tanda di aplikashon ku kuater diferente supsidio
E promé tanda di aplikashon ta inisiá riba 11 di ougùstùs 2025. E ora ei fundashonnan por pidi supsidio pa fortifiká i profeshonalisá nan organisashon. €5.000 pa organisashonnan na Hulanda Oropeo i USD 10.000 pa organisashonnan den e parti karibense di Reino. E areglo ta na vigor te ku 2028 i ta konsistí di ocho tanda di aplikashon pa kuater diferente supsidio.
Entrante e di dos tanda, fundashonnan por pidi supsidio tambe pa proyekto chikitu ku ta kontribuí na:
• atkisishon di mihó konosementu di efekto di pasado di sklabitut i kombatimentu di e konsekuensianan di e efekto di sklabitut den presente;
• prosesamentu di pasado di sklabitut;
• promoshon di konosementu i konsiensia tokante pasado di sklabitut; òf
• rekonosementu i konmemorashon di e pasado di sklabitut.
NOTA: E texto ta scirbi den papiamento fonetico di Corsou.
KLM ta bolbe hiba sindicatonan corte pa preveni otro welga na Schiphol
SCHIPHOL - KLM ta bolbe hiba sindicatonan corte pa preveni otro welga na Schiphol. E sindicatonan FNV y CNV a anuncia otro welga di personal di tera na Schiphol di 2:00 PM pa 10:00 PM anuncia pa e sindicatonan FNV y CNV diaranson proximo. E compania di aviacion ta bisa cu e consecuensianan di esaki, spesialmente durante e periodo di vakantie di zomer, ta inaceptabel pa motibo di riesgonan operacional y di seguridad. Es mas, FNV y CNV no a yega na acuerdonan di siguridad cu KLM pa loke ta trata e accion anuncia aki, segun e compania.
Aduana hulandes kier mehora experiencia di control 100% for di p.e. Aruba y Corsou
SCHIPHOL - Na Aeropuerto Schiphol, aduana ta hasi asina yama control di 100% riba buelonan for di Caribe na nomber di gobierno. “Como cu biaheronan por experencia e controlnan aki como intrusivo, nos ta ansioso pa wak con nos por mehora e servicio. Ta p’esei recientemente aduana a drenta den discucion cu Stichting Ocan (Organo di Consulta pa Caribe Hulandes)’.
Sindicatonan na Hulanda ta anuncia un welga di groundpersonal di KLM atrobe
SCHIPHOL – Groundpersonal di KLM kier welga atrobe. E intencion ta pa stop di traha pa 8 ora diarason proximo. Asina e sindicatonan CNV y FNV a duna di conoce. Inicialmente, e personal kier a welga diasabra. KLM exitosamente a bay Corte siman pasa pa stop esaki. E hues a yama un welga e dia ey iresponsabel debi na e comienso di vacantie y e consecuencianan di e cumbre di OTAN.
Rey Willem-Alexander ta cumpli 40 aña como piloto
AMSTERDAM - Rey Willem-Alexander ta un piloto pa cuarenta aña caba awe. Den un raportahe di e matutino Hulandes Telegraaf, ta relata riba e hecho bunita aki. Noticiacla ta reproduci e articulo aki integralmente.
Secretario di estado nobo di Reino, Van Marum lo bishita islanan ABC na augustus proximo
ORANJESTAD - Secretario di estado pa relashonnan den Reino, Eddie van Marum, ta bishita islanan ABC (Aruba, Bonaire y Corsou) entre 10 pa 15 di augustus proximo. Asina e la informa dialuna mainta durante un encuentro cu prensa, incluyendo Noticiacla. E mandatario ta entusiasma pa cuminsa cu e trabounan.
Ola di calor di Europa ta sigui asota e paisnan incluyendo Hulanda, Spaña y Alemania
BRUSELAS - Calor cu ta kibra record ta sigui kima mayoria di Europa Occidental. Spaña a kibra su record di kalor di juni, y ta anticipa cu temperaturanan extremo lo move den direccion di Alemania y Francia pa mitar di siman. Autoridad na Spaña dialuna a confirma e temperatura di mas halto di e pais di juni. Hulanda tambe a bati alarma e siman aki pa e calor insoportable.
Follow NoticiaCla
