Corsou tin algun cara nobo awe pa wega Gold Cup contra Honduras

SAN JOSE - Pa e wega di awe pa e Copa Di Oro na Merca, entre Corsou y Honduras, e hungadornan Leandro i Juninho Bacuna ta suspendé, pa motibu di akumulashon di karchi. Esaki ta nifiká ku lo bai tin dos buraku den e bolante di selekshon di Kòrsou kontra Canada.

Un di e hungadónan ku lo yena un puesto den bolante, lo ta sin duda Godfried Roemeratoe. Ya for di e partido di djasabra por a mira ora el a drenta pa remplasá Leandro Bacuna. Roemeratoe ta un bolante ku su forsa den e parti defensivo. E ta posishoná su mes bon, dor di purba na antisipá moveshon di su rival. Pa remplasá Juninho den ‘10’ komo e bolante mas ofensivo, tin vários kandidato den e selekshon di Kòrsou. Un di nan ta e veterano Brandley Kuwas. Ta trata aki di un futbolista ku eksperensia i ku tin un bon vishon di wega i ainda ta karga un bon tiru ku su pia robes.

Jeremy Antonisse tambe lo por hunga den ‘10’ awe pa Kòrsou. E anotadó di gol di empate kontra Canada, aña pasá kontra Grenada a hunga e posishon aki kaba pa Dick Advocaat. Antonisse ta un hungando téknikamente bon i ku tin konfiansa na e momentunan aki. Otro opshon ta Rayvien Rosario. E hóben futbolista ta bèk den selekshon despues di un ratu afó, pa motibu di rekuperá for di leshon. Rosario ta ábil i kreativo i aña pasá kontra Aruba tabatin un bon aktuashon, drentando komo kambio i duna un pase di gol.

E probabel aliniashon di awe pa: Room, Brenet, Gaari, Van Eijma, Floranus, Comenencia. Roemeratoe, Antonisse, Margaritha,Gorré, Locadia.

NOTA: E texto ta scirbi den papiamento fonetico di Corsou.