- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Sherilane Dirksz-Croes ta haci 10 aña den servicio na Botica di Servicio
ORANJESTAD - Durante e ultimo añanan, Botica di Servicio a haya e privilegio di por a celebra diferente coleganan y e luna aki por a celebra un otro aniversario importante, esta di Sherilane Dirksz- Croes.
Sherilane, head of Purchasing, a cumpli 10 aña den servicio den e luna di juni. Sherilane tin hopi pa remarca, cuminsando como assistent. Asina ela cuminsa crece durante e añanan, unda cu ela tuma e oportunidadnan pa crece den loke ta su rol actual.
Awendia Sherilane tin un rol crucial den loke ta e parti di purchasing di OTC y productonan relata na handverkoop pa tanto e 4 localidadnan na Aruba y un localidad na Boneiro. Sherilane a logra expande su conocimiento riba e diferente productonan cu Botica di Servicio ta ofrece, asina brindando clientenan loke nan mester y ademas sigura cu semper tin suficiente stock den e miho vitaminanan y suplementonan.
Botica di Servicio ta gradici Sherilane pa su compromiso durante e añanan aki y su dedicacion den crecimiento di no solamente su mes, si no di e futuro di Botica di Servicio. Botica di Servicio ta extende un pabien grandi pa Sherilane y spera di por celebra hopi aña mas den servicio!
Casibari lo vibra cu arte: “Arte di Tarima” ta bolbe cu musica, poesia y cultura bou di shelo
ORANJESTAD – E evento cultural Vibracion Cultural: “Arte di Tarima” ta bolbe riba 18 di april 2026 na Casibari, cu entrada gratis pa comunidad. Iniciativa di Fundacion Basha Foundation hunto cu varios partner, e evento ta ofrece un plataforma pa artista local – tanto emergente como estableci – pa presenta nan talento.
Fundacion Muchila Creativo ta celebra 23 aña di crecemento creativo na Aruba
ORANJESTAD - Awe ta un dia special pa Fundacion Muchila Creativo: 23 aña di dedicacion na arte, cultura y educacion inclusivo den comunidad Arubano. For di e aña 2003, e fundacion a carga un mision cla: stimula creatividad door di musica, arte visual, baile, teatro, literatura y multimedia — pa tur edad.
Aruba ta proteha su musica: consulta nacional ta marca inicio di inventario cultural
ORANJESTAD - Comision Nacional di Patrimonio Cultural Intangibel Aruba (PCI) ta lansa un consulta nacional cu sector musical pa cuminsa crea un inventario oficial di patrimonio cultural intangibel di Aruba, conforme tratado di UNESCO. E prome consulta, “Ban Combersa di Musica na Aruba”, lo enfoca riba rol di musica den identidad cultural, cu meta pa identifica, documenta y proteha expresionnan musical local. Participacion di musiconan y sector cultural ta clave pa logra esaki.
Joe Najjar a celebra 20 aña di liderazgo na La Cabana como gerente general
ORANJESTAD - Joe Najjar a celebra binti aña como General Manager di La Cabana Beach Resort & Casino. Cu mas di trinta aña di experiencia den hospitalidad y trahando cu marcanan grandi manera Wyndham, Radisson y Marriott, el a bin Aruba na 2005-2006 pa lidera e hotel den un periodo dificil. Bou di su liderazgo, La Cabana a pasa door di renobacionnan importante, a stabilisa operacionnan y a bira un destinacion fuerte den sector di timeshare. Najjar ta conoci pa su estilo practico, enfoca riba calidad di servicio, desaroyo di empleado y sostenibilidad. Su contribucion no ta limita na e hotel, pero tambe na desaroyo di turismo na Aruba, unda el a hunga un rol importante den industria y den comunidad.
Vibra Latina tabata un anochi yen di ritmo, talento y energia na Harbour Arena
ORANJESTAD – Un atmosfera electrico, un publico entusiasma y un mezcla poderoso di talento regional y internacional a marca e concierto Vibra Latina, teni diasabra anochi 28 di maart 2026 na Harbour Arena. E evento a reuni miles di fanatico cu a disfruta di musica, cultura y entretenimiento di e mas halto nivel.
Filomena College MAVO a mustra talento y futuro durante opendag 2026
SAN NICOLAS – Filomena College MAVO a celebra su opendag 2026, unda mayor y futuro alumnonan a haya oportunidad pa conoci e scol, su maestronan y metodo di enseñanza. Tema di e dia tabata “Bo ruta, bo talento, bo futuro.”
Follow NoticiaCla
