Iran ta lansa contra-atake ‘cu por lo menos 100 drone’ despues di ofensiva di Israel

TEHERAN - Israel ta bisa cu Iran a tira mas di 100 drone riba e pais como contesta na e atake di ayera nochi. Un bosero militar di Israel ta bisa cu “nos defensanan aereo ta haciendo tur loke nan por pa intercepta e menasa.”

Un parti grandi di e guerra di drone ya a ser intercepta, e militarnan a informa despues di algun ora. Tambe ta ser bisa cu Jordania a tira varios drone abou cu tabata bula riba su cabes.

Israel a realisa un atake na gran escala riba e liderazgo militar Irani y e programa nuclear di e pais ayera nochi. Segun fuentenan anónimo di Israel, 200 avion di guera a wordo desplega contra alrededor di 100 obheto. Segun Israel, e atake ta andando ainda. Cuanto tempo exactamente ta depende di e contesta Irani, segun un bosero di e ehercito.