Eddie van Marum ta reemplasa Szabó como secretario di estado pa asuntonan di Reino

DEN HAAG – Aruba, y e otro islanan di Reino Hulandes tin un cu bai atende awor cu un otro persona (atrobe), despues cu e gabinete Schoof a cay na Hulanda. Despues cu gabinete Schoof a cay, y e secretario di estado e momento ey Zsolt Szabó a retira mesora, e minister cu e cartera di Reino Judith Uitermark, a tuma e encargo temporalmente. Pero awe a bira conoci cu e gabinete demisionario a yega na un acuerdo pa loke ta e reparticion nobo di carteranan cu tabata den man di e partido cu a bandona e gabinete, esta partido PVV. 

SECRETARIO DI ESTADO NOBO PA ASUNTONAN DI REINO 

Awe mainta a keda anuncia cu Secretario di Estado pa Relacionnan di Reino y Digitalisacion nobo, ta bira Eddie van Marum (BBB). E ta tambe responsabel pa e cartera di Recuperacion. E Secretario di Estado pa Recuperacion, Herstel Groningen (BBB) ​​tambe lo ta responsabel pa asuntonan cu ta regarda Relacionnan di Reino y Digitalisacion.

ACUERDO

Prome minister Schoof a anuncia diahuebs, cu e gabinete demisionario a yega na un acuerdo ku e lidernan di partido y suplente prome ministernan di VVD, NSC y BBB riba con lo aloca e carteranan di e ex ministernan di PVV. Esakinan a bira disponibel despues cu e ministernan di PVV a ofrece nan retiro na Su Mahestad Rey Willem-Alexander dia 3 di juni ultimo.

Pa e 3 ministernan nobo y e 3 secretariadonan di estado nobo cu lo wordo nombra, e partidonan politico concerni lo postula personanan den e periodo venidero. E investigacionnan usual lo tuma luga pa tur candidato di minister y candidato di secretario di estado. Despues nan lo huramenta dilanti Su Mahestad Rey riba recomendacion di Prome Minister.