- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Aruba propaga entre 5 islanan di Caribe cu ta amicable pa e turista den comunidad LGBTQ
MIAMI /ORANJESTAD – Mientras cu tin paisnan manera Jamaica, Saint Lucia, Dominica y Grenada cu ainda tin leinan discriminatorio contra LGBTQ na vigor, y tambe actitud cultural negativo pa cu homosexualidad, Aruba ta figura entre e 5 islanan cu ta amicable pa cu e comunidad LGBTQ. Corsou y St Maarten tambe. Asina e portal, The Pink News ta raporta e siman aki. E potret ta ilustra tempo cu cosnan no tabata completamente acepta ainda y cu mester a protesta ainda pa derecho pa e comunidad LGBTQ. Awe esaki ta pa pasado.
ARUBA AMICABLE
E portal ta raprta cu Aruba tambe ta hopi ‘LGBTQ-friendly’ cu un postura progresivo riba igualdad. “ Matrimonio di mesun sexo ta legalmente reconosi, y, mescos cu Corsou, e ta anfitrion di celebracionnan anual di Orguyo. Aruba Pride di e aña aki lo tuma luga dia 28 di juni. E articulo ta sigui menciona varios club y bar y hotel cu esnan homosexual por scohe. NOTA: E potret ta di archivo cortesia di culturaaruba, durante un protesta ora cu ainda tabatin cierto resistencia pa cu e comunidad LGBTQ y cu e miembronan di e comunidad aki a protesta.
Awe gana 150 mil florin cu Roll Down di Lotto di Dia
Balor di reserva di oro di Aruba casi a duplica pa motibo di subida di prijs di oro
ORANJESTAD – E balor di reserva di oro di Centrale Bank di Aruba a subi fuertemente den poco tempo. Esaki ta sali na cla for di e estadisticanan mas reciente di e banco central, unda balor di oro den reserva stranhero a subi di 520 miyon florin na 2024, pa 858 miyon florin na 2025 y casi 992 miyon florin na januari di e aña aki.
AFTA: Den 2026 lo controla e.o industria di auto y transporte di container
ORANJESTAD - Aruba Fair Trade Authority (AFTA) a presenta su agenda pa 2026. E aña aki ta marca e comienso di supervision riba proteccion di consumidor cual AFTA ta encarga cu ne. Riba 15 di maart, Dia Mundial di Consumidor, e ley nobo di supervision ta drenta na vigor. For di e fecha aki AFTA lo actua ora derechonan collectivo di consumidornan ta wordo viola. Riba 14 di maart AFTA ta organisa un Car Rally unda participantenan ta wordo encurasha di un forma competitivo y dibertido pa siña mas tocante nan derechonan como consumidor.
KLM ainda lo sigui bula cu Airbus riba Aruba pa awor
ORANJESTAD – KLM pa awor ainda no ta bay cambia su flota riba e ruta pa Aruba. Noticianan cu a circula den medio local na Aruba y Corsou no ta correcto segun gerente regional di KLM, Dirk Buitelaar.
Prijs di gasoline ta subi considerablemente diaranson
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di maart 2026:
CBA: Arubianonan riba 45 aña ta mas vulnerable pa fraude digital
ORANJESTAD – Fraude cu pago digital ainda ta sosode relativamente poco na Aruba, pero ora cu e pasa, hopi biaha e ta afecta principalmente hende di edad mas halto y consumidornan di edad medio. Ademas, un parti considerable di victiman no ta haya nan placa bek for di banco. Esaki ta sali na cla for di un reporte nobo di Banco Central di Aruba (CBA) di engaño y fraude den pago digital. E investigacion ta basa riba un encuesta di 2024 di experencia di consumidornan cu fraude den pago digital. For di e resultado ta mustra cu casi 88 porciento di e participantenan den e ultimo diesdos luna no a experencia fraude, mientras cu poco mas cu diesdos porciento si a haya cu un intento of un incidente real di fraude. Cu esey, e dimension di fraude digital na Aruba pa awor ta relativamente limita, aunke banco central ta adverti cu digitalisacion di pago tambe ta trece riesgo nobo.
Follow NoticiaCla
