Toque de queda den partinan di sentro di Los Angeles pa motibo di sakeo y vandalismo

LOS ANGELES - Un toque de queda a wordo impone den partinan di centro di Los Angeles. Protestanan contra e politicanan di inmigracion di presidente Trump ta andando den e ciudad pa dianan caba. Disturbionan a surgi, incluyendo sakeo y vandalismo. E toque de queda a drenta na vigor pa 8 p.m. ora local y lo dura te cu 6 a.m.

Hendenan cu no tin negoshi ta den e area no mag di ta riba caya. E area restringí den centro di LA ta cubri mas o menos 2.5 kilometer cuadra. Di acuerdo cu e alcalde di Los Angeles, Karen Bass, un toque de queda ta necesario pa stop e vandalismo y sakeo. E ta spera cu e medida lo wordo prolonga pa algun dia despues di awe.

CNN ta informa cu 10 pa 20 persona a wordo aresta desde cu e toque de queda a drenta na vigor. Un reportero ta informa cu manifestantenan a bandona e area.

700 marinier a yega ayera nochi pa join e Guardia Nashonal caba na LA. E Mariniernan ta principalmente encarga cu sigura edificionan federal y propiedatnan den e stad, e militarnan ta bisa.