- Trump: Merca a realisa atakenan riba tres compleho nuclear na Iran
- Botica di Servicio ta Conoce Su Prome “Streya di Botica”
- Arubahuis a despedi di ex minister plenipotenciario Thijsen
- Analisis: Cos no ta pega rond di nombracion di un proximo minister
- Atraco Team a detene hoben na Kamerlingh Onnestraat pa ladronicia
Pelotero di Corsow, Kenley Jansen ta para su actividadnan di farandula na 2026
ORANJESTAD/WILLEMSTAD – E decision di e pelotero professional yiu di Corsou Kenley Jansen di para tur actividad di farandula otro aña, a hala hopi atencion. Tabata den un entrevista cu e portal di Corsou Vigilante, cu Jansen a sorprende cu e anuncio aki. Entre nan, cu e ta stop cu e banda Icons, di cual e ta doño, y tambe ta para su sosten pa carnaval, cu e grupo cu e tabata sostene.
ARUBA
Pero esaki no ta afecta solamente Corsou, sino tambe Aruba, ya cu e ta para su proyecto(nan) cu e conocido cantante di Aruba Jeon. E lo continua si cu e cantante Omar Pierce.
KICO A PASA
Segun e declaracion di Jansen, e la splica cu e la keda defrauda pa hendenan den su team na Corsou, unda cu lo a mancha su nomber y di su famia, pa cosnan cu no lo ta berdad. Y tambe cu esaki, e ta mira cu tin hopi hende cu a probecha di su bondad. E ta haya nan hopi ‘malagradecido’.
KICO AWOR
E problema mas grandi, ta e hecho cu e ta para e banda ICONS. A compronde cu e ta propietario di e nomber ICONS y ta e sosten financiero di e banda. Si e banda kier sigui mes, nan lo mester busca un otro nomber, y wak con nan ta sigui financieramente. Pa loke ta Jeon, no ta conoci ki efecto e decision di no sostene mas, lo tin pa cu Jeon mes. NOTA; E potret ta di archivo di Noticiacla.
Botica di Servicio ta Conoce Su Prome “Streya di Botica”
ORANJESTAD - Botica di Servicio ta orguyoso di por anuncia su prome Streya di Botica, Lilienne Figaroa.
Sherilane Dirksz-Croes ta haci 10 aña den servicio na Botica di Servicio
ORANJESTAD - Durante e ultimo añanan, Botica di Servicio a haya e privilegio di por a celebra diferente coleganan y e luna aki por a celebra un otro aniversario importante, esta di Sherilane Dirksz- Croes.
Filomena College MAVO cu 83% di graduado
SAN NICOLAS - Diahuebs atardi 4:30 Filomena College MAVO na San Nicolas a anuncia e cantidad di graduado pa aña 2025. Cu 83% den prome tanda, Filomena College MAVO ta satisfecho y ta desea tur esnan cu tin cu bay pa tanda 2, hopi exito. Tawatin 69 candidato. Danki special ta bay na cada mayor, studiante y e team completo di e scol pa e esfuerzo y confiansa pa hopi aña caba. Danki Rex Aruba pa e cobertura y tur potret.
Emigra di Colombia, Angel Robles ta e miho graduado di Filomena College MAVO
SAN NICOLAS - Ocupando e puesto nr. un entre e 83% di e graduadonan na Filomena College MAVO na San Nicolas, Angel Robles Henao, naci y emigra for di Colombia, a sobresali den 2025. Cu un lista unico pa graduadonan, Angel ta finalisa su añanan na MAVO cu un tremendo lista. Angel tin e asina yama exacte lijst y su cifranan ta lo siguiente: Nederlands 8, Engels 9, Spaans 10, Wiskunde 10, Biologie 8, Scheikunde 9 y Natuurkunde 9. Tawata directorado di Filomena College MAVO representa pa director Raquel Lampe y director adhunto Joraine Oduber cu a haci e anuncio entregando Angel un obsekio como aprecio y felicitacion. E potretnan ta di Rex Aruba.
Botica di Servicio ta Yama Pabien na Su Feliz Ganadornan di Campaña Cambio di Botica
Jeon ta kibra silencio riba impasse cu Kenley Jansen
ORANJESTAD – “Nos ta produci musica y no enemistad”. Asina e artista Jonathan ‘Jeon Arvani’ Thiel, a inicia su comunicado den cual e ta splica e impasse cu a surgi entre e y e conocido pelotero y promotor di Corsou, Kenley Jansen. Jansen e siman aki a sorprende hopi durante un entrevista unda cu e la anuncia cu e ta stop contribucion cu varios artista incluyendo Jeon, y e banda ICONS di Corsou.
Follow NoticiaCla
