- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Merca cu prohibicion di biahe pa Haiti y parcial pa Venezuela
WASHINGTON - Presidente Donald Trump a firma un proclamacion diaranson anochi pa prohibi biahe di varios pais pa Merca, citando riesgonan di seguridad. Entre nan pa Haiti, y un prohibicion parcial pa Venezuela. E prohibishon lo restringí completamente entrada di ciudadanonan di 12 pais: Afganistan; Myanmar, tambe conoci como Birmania; Chad; Republica di Congo; Guinea Ecuatorial; Eritrea; Haiti; Iran; Libia; Somalia; Sudan; y Yemen.
RESTRICCION PARCIAL
Hendenan di shete pais lo tin restriccion parcial: Burundi, Cuba, Laos, Sierra Leone, Togo, Turkmenistan y Venezuela. E proclamacion ta inclui excepcionnan pa residentenan permanente legal, doñonan di visa existente, cierto categorianan di visa y individuonan kende nan entrada ta sirbi interesnan nacional di Merca.
KICO KIER MEN PARCIAL
E pregunta awor, ta kico kier men ‘parcial’ den e caso di Venezuela. Cas Blanco a emiti un aclaracion diahuebs 5 di juni, tocante e proclamacion presidencial recien tocante restriccionnan di biahe, declarando cu e medida lo no afecta individuonan cu ya tin visa valido Cuba y Venezuela ta entre e paisnan inclui den e restriccionnan parcial, kiermen e medida lo ta aplicabel solamente pa e proceso di otorgamento di visa nobo. Segun e documento, ciudadanonan cu ya tin visa aproba prome cu 9 di juni 2025—e fecha cu e proklamashon ta drenta na vigor—lo por drenta Merca sin incidente. Ningun visa di imigrante of no-imigrante emiti prome cu e fecha aplicabel di vigor di e proclamacion aki lo wordo revoca di acuerdo cu e proclamacion aki,” e declaracion oficial ta aclara. Ademas, ta specifica cu e medida no ta afecta esnan cu a ricibi asilo na Merca, refugiadonan cu a wordo admití caba, of hendenan cu tin proteccion bou di e Convencion contra Tortura.
Prome minister hulandes Jetten ta bishita president Trump na Merca
WASHINGTON - Prome minister hulandes Jetten lo bishita Washington D.C., Merca, riba dialuna 13 di april 2026. E bishita ta enfoca riba e bon relacion transatlantico y ta pone enfasis riba e relacion bilateral fuerte y e bandanan historico entre Reino di Hulanda y Merca.
Hefe di NAVO Rutte ta sigui apoyo pa guera di Trump na Iran, apesar di critica
WASHINGTON - Hefe di NATO, Mark Rutte, ta sigui sostene e guera di Donald Trump na Iran, apesar di critica cu e posicion aki no ta comparti pa tur miembro di NAVO. “Den e alianza semper lo tin diferente opinion,” Rutte a bisa. “Esaki ta inevitabel. Ta democracia nan.”
“Foto no ta AI, pero real”: 250 poodle a wordo haya den un cas na Reino Uni
LONDON - Den Reino Uni, un organizacion di bienestar di animal a haya 250 cacho den un cas di un criador, unda decenan tabata den un solo sala. E imagennan a wordo pone na social media y algun hende a bisa cu ta falso of crea cu inteligencia artificial, pero segun e organizacion, esaki no ta berdad.
Venezuela kier exporta galiña y webo pa Aruba dentro di 5 luna
CARACAS - Den mas o=f menos 5 luna, sector avicola di Venezuela ta spera di cuminsa exporta galiña y webo pa e islanan ABC (Aruba, Bonaire y Corsou). Presidente di Fenavi, Francisco Tagliapietra, a bisa cu ya tin progreso importante pa logra esaki. Nan ta traha riba un ruta maritimo cu por funciona tur dia pa manda producto fresco pa e islanan, cu ta solamente como 70 milla nautico leu.
Anguilla a baha costo di importacion: Aruba por haci mescos?
ORANJESTAD – Gobierno di Anguilla a anuncia un medida temporal pa alivia costo di bida, eliminando gasto di transporte (freight) y seguro for di calculo di impuesto di importacion. E decision, comunica door di Departamento di Aduana di e isla, lo drenta na vigor dia 10 di april 2026 y lo dura tres luna.
Paro di fuego historico: Hormuz ta habri y tension global ta baha (temporal)
WASHINGTON - Merca y Iran a yega na un acuerdo pa un paro di fuego di dos siman. Merca, hunto cu Israel, lo stop cu atakenan, mientras Iran lo habri estrecho di Hormuz pa tur trafico maritimo y tambe suspende su atakenan. E acuerdo a drenta na vigor mesora, despues di mediacion di Pakistan.
Follow NoticiaCla
