Mike de Meza (ta) ‘masha disgusta’ cu e proceso pa e por bira minister

ORANJESTAD – E parlamentario pa partido AVP, Mike de Meza a practicamente ‘kibra su silencio’ diahuebs merdia cu e ta ‘masha disgusta’, riba e proceso cu ta tumando lugar rond di e asunto di screening. Den un entrevista cu 24ora.com, e la mustra su malcontento riba tur loke ta sosodiendo riba e asunto cu tin su nombracion como e di 7 minister pa e partido berde pega. “Mi ta disgusta, masha disgusta’, e la bisa. Ademas e la considera e loke ta sosodiendo, como un ‘heksenjacht’, y tambe ta considera e asunto uno di ‘ridiculez di marca mayor’, y cu esaki a laga un ‘sabor amargo’ atras. Tur e palabranan aki e la usa pues pa describi e proceso tumando lugar basta luna, cu finalmente lo termina den corte diaranson dia 28 di mei pa 11:30am. A dicidi di hiba departamento di impuesto corte, pa haya claridad riba su carta di comportacion fiscal, e ultimo documento cu falta, pa prome minister Mike Eman usa pa aproba de Meza como minister.